| | | | | | | | | | | | | |
| | | |
| | | NUPEPA KUOKOA, HONOLULU T. H. POAHA, NOVEMABA 24, 1927. EKOLU | |
| | | |
| | | | | | | | | | He Moolelo
--No Ka— Lanakila ma o ke Kali Ana MOKUNA XVIII. Mahope o na kamailio aoa me ka hahana loa o Konelia ka mea i haawipio, aole nae me kona hoihoi, me kona namunamu no ma kahi e, ua ae aku la oia e hele, ina nae e aeia ana ke kaalio nona e holo ai. "Ina au e hele ana o oe pu kekahi e hele me a'u," i huli ae ai o Konelia a noi ae la i ka hoahanau, a no ka mea, elua mea waiwai nou ma ia hele ana, ka mua e holo pu ana oe me a'u maluna o ke kaalio a e loaa ana ia oe ka hauoli ma ka honi ana aku i na ea huihui me kou ike pu aku i na wahi a kaua e holo aku ana, a o ka lua, e ike aku ana oe i kela hale, kahi a Garane i hoi mai la a noho." O ko Eseparana makemake loa ia o kona hele pu, aka nae, aole oia i hoike ae ia hauoli ona mawaho, maloko wale iho no ona, no kona makau o kona hana ana i kekahi hana naaupo ma kona aoao he hookuhau ana paha ia i ka holopono o ka Konelia papahana i manao ai. He mea hoihoi io nona ka ike ana aku ia Mrs. Pasemoa, ka hoaloha o kona makuahine a o kona kokua pu no hoi i manao mua ole ia. Ma ia auwina la ua hookahahaia ko Konelia noonoo i ka ike ana mai he hapalua i hoohalaia e Eseparana ma ka omilo ana i kona wili oho, ka hana ana a paa i kona leia-i ame ke komo ana hoi i kona mau mikinilima no ka hoomakaukau ana iaia iho no ka laua huakai. Ma ka hora ekolu o ka auwina la i holo aku ai o Eseparana ma maluna o ke alanui. No Konelia ua hoike ae oia i kona mau manao a oluolu loa ia Esearana, aole kela ano aaka a nukunuku mau ona o na manawa mamua aku, a no Eseparana iho ua piha kona naau i ka hauoli, me ia huihui nae o ka makani ame ka ua liilii e hele pu mai ana me he ohu o ka mahina o Novemaba, he mau mea halihali mai hoi i ke anu hiki ole iaia ke hoomanawanui iho. No ka manawa mua loa i ike aku ai oia i na hale kahiko a nahaha o kela hapa o ke kulanakauhale, pela hoi me na hale i hiolo hapa a e ku mai ana hoi kekahi hapa o ka paia, a pela me na kamalii e holoholo mai ana me ko lakou mau aahu, nahaehae lepo. "He like ole loa keia wahi me na wahi e ae o Rikekeka;" wahi ana i hooho ae ai me na manao kahaha, no kona ike alu aku i na mea hoehaeha i kona mau maka. "O keia anei ka Mrs. Moateleka wahi e hele mai ai no ka ike ana i kana poe ilihune. "Aohe he poe kakaikahi wale no o ka poe hanohano kana e hele mai ai e ike ma na kauhale e kokoke aku ana ia kakou," i pane ae ai o Konelia. "O owai ka ka mea nana e malama a e hanai i keia poe ilihune e noho nei ma keia wahi,?? wahi a Eseparana. "Aohe au i maopopo, no ka mea aole keia wahi iloko o ke apo o ko makou ekalesia. "O na wahi wale no e pili kokoke aku ana i ka halepule ua palena o ka ekalesia, a maloko o ia mau palena he kakaikahi ka poe maikai a hanohano, a he kakaikahi no hoi ka poe ilihune, a oia poe ilihune ka Mrs. Moateleka e makaala mau mai ai. Aohe mau ninau hou a Eseparana i ui aku ai, a maloko o kekahi mau minuke kakaikahi ma ia hope mai ua kaahope aku la na hale, a o na wahi oneanea ke waiho mai ana mamua o laua. He hapa mile mai ia wahi aku kahi o ka hale o na Vilikina e ku mai ana, aole no i kahiko loa i ka ike aku, ua kukuluia ma ke kaila o ke ano kahiko loa; i ka ike ana aku o Eseparana, kapalili ae la kona houpo i ka hauoli, no ka mea ma ke kahi o na puka aniani oluna loa i ike aku ai oia i kekahi wa hine me ka puloulou keokeo ma kona poo, a koho koke eku la no oia aole ia he wahine okoa o Mrs. Pasemoa no. Emoole ua nalowale aku la ua wahine la mai ka puka aniani aku, a ma ka manawa a ke kaalio i holo aku ai maluna o ke alanui i haliiia me ka iliili mamua mai o ka hale, e ku mai ana ka lede aoo ma ka puka o ka hale, no ke kakali ana mai a hookipa aku i kana mau malihini i ka home. "Maikai maoli olua o ka holo ana mai la i ko'u la mua o ka hoea ana mai nei ianei, e kuu mau keiki, iloko o keia ohu e halii paa nei a olua i makau ole iho ai i ke anu," i pa ma ai kahea a Mrs. Pasemoa me ke ohaoha. "E kuu kupunawahine, hoi hou aku oe iloko o ka hale, he anu owaho nei, oiai ke ohu ke nee mai nei me ka paapu; he hana naauao ole nau ka hele ana mai iwaho nei iloko o keia anu," i nui aku ai ko Konelia leo. No ia kauoha ana aku a Konelia hoi hou aku la ka lede iloko o ka hale a kakali mai la o ke komo aku o Konelia me Eseparana, a hookipaia aku la na Iede alo anui iloko o ka rumi hookipa, a i ko Konelia hopu ana aku i ka o-le i hiki ai i ka lede kuli ke lohe mai i ka Konelia mea e kamailio aku ai no ka inoa o kona kokoolua o ia hoea ana aku la. "O ka Ame Kolisona kaikamahine uuku keia o ka hoi ana mai Palani mai!" i nui aku ai ko Konelia leo. "O ka Ame Kolisona kaikamahine keia mai Palani mai! O, e kuu kaikamahine, he mai oe e honi ia'u!" i mahamaha mai ai ka Mrs. Pasemoa kamailio, me ka hoohamama pu ana mai i kona mau lima no ke apo ana mai ia Eseparana. Aohe hoololohi hou ana iho a Eseparana, o kona hele koke aku la no ia, a i ko Konelia hookau ana aku i kekahi wahi o ka o-le i ka pepeiao o ka lede alaila hoomaka mai la oia e kamailio, a i ka hala ana o kekahi minuke i mai la ma ka olelo Palani: "O, ke hauoli nui Ioa nei au no keia halawai ana me ka hoaloha, ke kaikamahine hoi a kuu hoaloha kahiko." O Eseparana kekahi i panai aku i ka i ana aku: "Ke hauoli nui nei au i ka halawai ana me ka hoaloha kahiko o kuu makuahine.'' No keia mau olelo a Eseparana ua piha iho la o Konelia i ka huhu, a kuu iho la ka lede i ka o-le ana ilalo me ka akaaka ana iho. "A," ma ka olelo Palani oe i kamailio mai la, a no'u iho aohe au i lilo i haumana maikai a akamai ma ia olelo. Aka mai nana oe ia hemahema o'u, e maopopo ana kau a ia kaua iho mahope o ka hala ana o kekahi manawa pokole ma nei mua koke iho." Ia manawa aia ka ula ma ko Eseparana mau papalina, a ua hala he mau minuke ma ia hope iho i mohala Ioa ae ai kona noonoo a like me mamua iho me ka loaa hoi o ka manao makai iaia e hiki ai ke hoolohe aku i na olelo a pau e kamailioia mai ana. | "Pehea ua pono anei kou noho ana?" i ninau aku ai o Ko-
nelia. "Ae, mai hopohopo mai oe no'u; mahope o ko'u noho
ana mai nei ma St. Leonada a manaka, ua lilo ia wahi me he
mea la e hoeu mau ana ia'u e hoi nolaila o ia keia hoi mai la
i ko'u home kahiko, aohe wahi nani e ae elike me ka home."
"A pehea ua pono anei kou noho ana?" i ninau aku ai o
Konelia.
"Ae; ua pono, eia nae, he nui aku no na mea i koe e nana
aku ai no ka hoolako ana mai ahiki i ke kuonoono pono ana
iho, a he pokole nae hoi na Ia i koe e ola aku ai.
"Ua lilo ko'u rumatika i mea hoouluhua ia'u i keia Ia, aole
hoi pela mamua aku nei a he eha hoouluhua a alalai mai no
hoi i ka holomua o ka hana i makemakeia aku ai e hololea.
E hiki ana no anei ia oe ke hoohala i kekahi mau la kakai-
kahi me a'u maanei, o oe a i ole o Beta paha? O oe no nae
ka'u i makemake loa ai e noho pu mai, ke pilikia ole nae hoi
oe i ka hana."
No Konelia iho ia manawa, aohe ona makemake e noho pu
me Mrs. Pasemoa no kekahi mau la, a ke noonoo la nae oia no
kekahi mau kumupale ma kona aoao a i ka loaa ana o kana
mea e pane aku ai, i aku la:
"He makemake no au e hoi mai a noho pu me oe no ke-
kahi manawa, koe wale no he nui uo hoi ka'u mau hana la
o ka hale, a no Bela he anu koha ma'i, ina aole ia anu ona
oia ka mea kupono loa e hoi mai a noho pu me oe, no ke ko-
kua ana aku ia oe ma kekahi mau hana."
He helehelena e hoike mai ana ua hoka o ia ko ka Lede Pa-
semoa ia manawa no ka hooko ole ia ana aku Ia o kona ma-
kemake, a hala kekahi manawa, i mai Ia;
"Ke kaumaha Ioa nei au no ka hiki ole ana i kekahi o olua
ke hoi mai a noho pu me a'u, he mea hauoli nui no'u kou hoi
ana mai, aka, ke i mai nei nae hoi oe he uui kau hana." A
me ka minoaka ma kona helehelena i hou mai la: "A pehea
hoi ina o kahi kaikamahine uuku a Ame ke hoi mai me a'u ?"
"He oiaio, oia ka mea kupono e hoi mai me oe," wahi a
Konelia o ka hooia ana ae, me kona kuka mua ole nae me Ese-
parana . "Ua hiki iaia ke hoi mai a noho pu me oe i nei ma-
nawa, elike ka loihi me kou makemake, no ka mea aohe no
ana hana o ka hale e kaohiia ai oia."
"Pela ana anei ? O, ke hauoli mua nei au i kona hoi mai!"
wahi a ka Lede Pasemoa.
I ka holopono ana iho la o keia manao liuliu iho la o Konelia
no ka hoi aku, mamua o kona ku ana ae huli ae la oia e ka-
mailio ia Eseparana a i ae la i keia mau huaolelo, "Na'u e hoo-
una mai i kou mau mea ianei me na buke pu au i makemake
nui ai e heluhelu, a ma ke kakahiaka o ka Poalima e hoi ae
ai oe no ka hoike ana ae i kau mau haawina. Lohe oe? E
noho mai ana au me ka makaukau nou o kou hoi ae ma ka
hora umi-kumamakahi, a oiai aohe kaalio o nei nana e hoihoi
ae ia oe, e pono no ia oe e hoi wawae ae."
Mahope o ka haawi ana i na aloha, oili aku la o Konelia
a ee aku la iluna o ke kaalio e ku mai ana mawaho, a hoi aku
la, a haaleleia iho la o Eseparana mahope me ka hauoli iloko
ona no kona kaawale ana mai kela hale mai e pa mau ai ka
leo kalakala a na hoahanau ma kona mau pepeiao, he ukiuki
nae koha no koha noonoo ana iho o kona kaiehu loaia mai la
no paha auanei keia mai kela home mai, a he makau hoi kona
no Mrs. Pasemoa no kana o-le.
Eia nae, ua kaawale aku la ia mau manao mai iaia aku a ua
loaa hoi ka hauoli iaia mahope koke iho, mamuli o ko Mrs.
Pasemoa oluolu a hoihoi no ka loaa ana o kona kokoolua e
noho pu ai maloko o ia hale, a ua lilo hoi o Eseparana i mea
hoohauoli aku iaia.
Ua piha ko Eseparana naau i ka hauoli no kona nana ana ae
he maemae na mea apau maloko o ia hale; aole oia wale kana
mea i hauoli ai, o ka maluhia pu kekahi, me ka nui ole o ka
wawa i Iike ole me ia mailoko o ka home Rikekeka, a ua pa-
kele no hoi kona mau pepeiao aohe lohe mau i ka leo uwe o
na keiki a Mrs. Moateleka, a ke nana aku kekahi iaia ia mana-
wa, lamalama kona helehelena elike me ia i na la mamua aku
p kona hoi ana ae i ka home Rikekeka.
Hookahi wale no mea hookuia i koiia hauoli o ia ko Mrs.
Pasemoa kuli; me ka nui o kona leo e kamailio aku ai alaila
oia lohe, no ka mea no ka manawa loihi loa ko Mrs. Pasemoa
kuli ana, a i hiki pono ai iaia ke lohe mai i ka mea e kamailioia
aku ana iaia he o-le kana, ina e kamailio ia aku ana iaia hoo-
pili ae la oia i ka o-le ma kona pepeiao alaila lohe i ka mea e
kamailioia aku ana.
Me ia kuli no nae o Mrs. Pasemoa ua hauoli no o Esepa- rana i ka haawi aku i kana hoolohe ana iaia ma na mea apau
ana e kauoha mai ai, a me ka hauoli no hoi o Eseparana e ha-
na aku ai ia mau hana e kauohaia mai ana iaia, Ua haawi aku
oia i kana kokua ma na ano a pau ia Mrs. Pasemoa ma ka hoo-
ponopono ana i na mea a pau oloko o ka hale, a he mau hana
wale no hoi a Eseparana i hauoli ai ka hana ana no kona ko-
koolua.
Ia Eseparana e hooponopono ana ialoko o kekahi pahu ume
kahiko loa iho la iaia kekahi mau leka kahiko ma ka ume, ua
hele no ka ume a piha a no kona manao ana iho he hana mai-
kai ole nana ka wehe ana e nana i kekahi o ia mau leka, huki
mai la oia ia Mrs. Pasemoa a ku ma kahi o ka ume a i ae la:
"Ku ka paila o keia mau leka iloko o keia un^e nana iho
paha oe la!"
"He mau Ieka? Oiaio hoi" i hooho ae ai ka lede, ua ma-
nao au ua hookaawaleia la e a'u i kela makahiki aku nei,
eia no ka ke ahu nei maloko o keia ume. He auwina ia nui
ana ka hoi keia o ka kaua hana, e Eseparana, ma ka hookaa-
wale ana i na leka waiwai, a o na leka waiwai ole kiola a i
ole puhi aku i ke ahi!" wahi a ka lede.
I kulike me ia hoolala ana iho la a laua, mahope o ka pau
ana o ko laua aina awakea ma ka hora elua, a lawe ae la hoi
o Mrs. Pasemoa ma kona noho, alaila hoomaka iho la laua
e nana i na leka, o na palapala waiwai ole hookaawale aku la
ma kekahi wahi, a o na palapala waiwai mahope aku, ma ke-
kahi wahi, me ka hoonohonoho pakahi ana i na leka elike me
ko lakou mau la o ke kakauia ana,
O ko Eseparana na kii ana iho no ia a paa a kau iho la i ka
hoailona mawaho o kana pu-a leka o ka 1847, lohe mai la oia
i ko Mrs. Pasemoa hooho ana ae: "Kupanaha maoli ka hoi
keia, a i keia la iho la no i loaa ai keia mau leka ia'u!" O
na leka a ko makuahine a Ame i kakau mai ai ia'u, eia la!" a
haawi nui la ia Eseparana.
Ua opiopiia no ia mau leka elua, hookahi o ia wau Ieka i
kakauia maluna o ke kalana lahilahi, a o kekahi ua kakauia
maluna o ke kalana i lainaia, a no ka loihi loa o ka waiho ana
ana o ia mau leka ua hele a Iena ke nana iho. O ko Esepa-
parana wehe ae la oia me kona akenui e ike iho o na manao
i kakauia maloko, a oia na manao o kekahi leka:
Russel Square, Mei 16, 1848.
"E kuu Mrs. Pasemoa aloha I kuu noonoo ana aohe i la-
wa ka'u hoomaikai ana aku ia oe no ka nui launa ole o ka lo-
komaikai au i haawi mai ai ia'u, oia hoi kau noi ana mai ia'u
e noho oe me a'u iloko o keia mahina ae. E mahalo pu aku | | | | | | | | | |
| | ana no kou piha noonoo ma kau olelo ana mai ina e hoololi ana kuu kaikunane i kona manao huhu mua, alaila e kaawale ana au me ka hopohopo ole no ka noho ana maloko o Ladana, aka nae, ma keia ke hoike aku nei au ia oe aohe manaolana iloko o'u no kona ae mai, no ka mea, mawaho ae o kona ku-e mamua no no maua mare, i keia manawa, he koho wale aku no ko'u, aole o makemake ona ia Monisua. Aole hiki pono ia'u ke hoike aku ia oe i ka nui o ko'u hoehaehaia no kona hoole i ke kane a'u i makamake ai. Ina aole ko Karisabela oluolu ia'u, ua manao au aole e hiki ana ia'u ke hoomanawanui "Mamuli iho la o keia pilikia, ua manao maua me Alepona, he oi ae ka pono e mareia no maua me ka malu loa, nolaila me na mahalo a nui ia oe, eia nae, ke hoole loa aku nei au i kou manao e kono aku i mau hoaloha lehulehu e hele mai. Ina he mea pono keia ia oe a i ke kahunapule hoi, e hookaawaleia kekahi la kaawale iloko o ka pule mua o Iune, ke hauoli loa nei au o na hora kakahiaka loa o ia la e hookaawaleia ana o ko maua la ia e mama ai, "Ke haawi hou aku nei i ka mahalo a nui ia oe no kou lokomaikai nui, "E manaoio mai ia'u, kou Ame Kolisona." "O! Alaila o ka inoa o kuu anate o Karisibela, oia anei? O ia ka'u i ike iho nei maloko o keia leka," i ninau ae ai o Ese-
parana me ka huli ana ae iluna, me kona mau maka e holo-
wai ana ia manawa. "Ae, e kuu keiki, he moolelo kaumaha ia mai ka mua a i ka hope," i pane ae ai ka lede, me ka piha p uiho la ona i ke aloha no ka ike ana mai i ka aneane loa e hanini mai ko Ese- parana mau waimaka. "Ua haawi o Karisibela, ka'u kaikamahine, i kona manawa ame kona noonoo nui maluna o ko makuahine, a oiai aohe mea hiki iaia ke hana no ka hoonee ana aku i ka mare o ko makuahine imua me ia ku-e ikaika mai no o ko anakala, eia nae, e hoike mau mai ana no ko anakala i kona aloha me ka minamina i ko makuahine, a ua nonoi mai hoi oia ia'u e kokua aku iaia ma ka mea hiki ia'u ke hana aku nona. "I hai aku au ia oe, iloko o kela manawa a pau a Ame, ko makuahine i noho pu ai me a'u ua pili kaumaha Ioa oia i na manao a pau no ke ku-eia mai o kona makemake e ka
makuakane. "Ma kela ahiahi i mareia ai laua, ke hoomanao nei no au, ua loaa mai la kekahi leka ikaika loa o na olelo mai ke Dean Kolisona mai, a ua hoomahuahua loa ia aku kona, kaumaha no ka mea, ike iho la oia me ka maopopo loa e pau ana ka ike ana mai o ka makuakane iaia mai ia manawa aku. "Mahope mai, i ka manawa i malamaia ai kekahi anaina haipule nui, ua ike aku au i ka lamalama o kona helehelena, me he mea Ia mamuli o ka hookoia ana o kona makemake a ua kaawale aku na mea hookaumaha i kona noonoo, a ke hoomanao pu nei no hoi au o kela kekahi o na paamare ui a he mau opiopio like no laua a elua, no ko laua manao e hiki ae ana ko anakala ia anaina a e hoolohe mai ana la hoi oia i ka leo mihi haahaa aku o ko makuakane, ei nae aohe mea oia ano i ikeia. "Ua lohe au mai ko makuahine ponoi mai, no elua a ekolu paha manawa, mahope mai o kela mare ana o laua, a mahope mai a kela mare ana o laua, a mahope wale mai loaa mai ana he leka ia'u mai ko makuakane mai no ka make ana o ko makuahine ame kou hanauia ana aohe hiki ia'u a ia oe ke huli aku ia leka a loaa, no ka mea, ke manaoio nei au ua hoounaia e a'u i ko anakala." Ua kahamahaia ka laua kamailio ana mamuli o ka lawe ana mai o ke kauwa i na pola ii me ka ipu ti, a mahope o ko Ese- parana nonoi ana ae e lawe ana oia i na leka elua a ka makuahine i kakau mai ai no ka huna ana aku ma kekahi wahi, no kana heluhelu ana no kekahi manawa, hele aku la a aole no i liuliu loa aku hoi hou mai aua. Ma ia ahiahi iho, i ko Mrs. Pasemoa manawa i hiamoe ai maluna o kona noho hooluolu, kii aku la oia i na leka elua a hele aku la iwaho, a hoomaka iho la e heluhelu i ka leka i kakauia me ka olelo Palani. Ua kakauia ia leka mai ke Kakela mai, ma ka mahina o Iune o ka 1854. O k ahapanui o na olelo b ia leka aohe hiki ia Eseparana ke hoomaopopo he ai paakiki wale no e hiki ole ai e wali iaia, o ka manao no nae ma kahi hiki iaia ke hoomaopopo a pane mai ana no ka Mrs. Pasemoa Ieka o ke kakau ana aku i kona | | |
| | | makuahine, Ame Mabilona, a ma ke kolu o na aoao i ike iho ai oia i kekahi mau inoa mau inoa i kamaaina iaia, a kapalili ae la kona houpo ia manawa. Hoomau aku la no oia i ka heluhelu ana, a eia na manao i kakauia ma ia wahi aku o ka leka: "I nei manawa he mea pono na'u ka hoike ana aku ia oe no ka mea e pili ana i kuu keikikane, Gasepa de Mabilona. E nui aku ana kuu hauoli ina e hiki ana ia'u ke hoikeike aku iaia ia oe. He elima ona mau makamaka i nei manawa, a he kulike Ioa kona helehelena me ko ka makuakane, he keiki loihi a he ikaika hoi kona kino no kona mau makahiki. "Me a'u mau oia i ka hapanui o ka manawa, no ka mea, 6 ka makou kauwa wahine, o Iavote, he pipili loa kona noonoo maluna ona, eia nae, he nui kana mau hana o ka hale nei, a nolaila aohe kaawale aku o ia keiki mai a'u aku, aohe no au e ae ana e hookaawale aku iaia ma kahi e ia no kona nonoiia mai. "Ua olelo pu mai ka'u kane ia'u aohe hale hanai keiki maloko nei o Palani, o na keiki apau e noho mau ana no me ko lakou mau makuahine; he mea maikai ia no Gasepa, no ka mea he keiki ui oia a ua pipili loa no hoi ko'u noonoo maluna ona, no ka mea, o ka maua hua mua loa no hoi oia, a ua manao pu no au he kanaka malama a aloha keiki no o De Mabilona. "Ua ninau mai oe ia'u maloko o kau leka ina he oi ae paha ko'u ikaika i nei manawa mamua o ko ka makahiki aku la i hala, a no ka pane ana aku i kau ninau aneane hiki pono ole ia'u ke hoike aku i ka mea oiaio. Ma kekahi ano ke nana iho ia'u aole, aka nae, manao au ua loaa ia'u ka ike i nei manawa hope e hoemi mai i ko'u nukunuku ana a e hooi aku i ka hoomanawanui i ko Kimo kaniuhu mau, eia nae, aole hiki ia'u ke uumi i ka makemake e lohe koke mai i kekahi mea nui iaia mai. (Aole i pau.) | | |
| | | |
| | | LOAA NA IWI O KEKAHI WAHINE
MAKE. Oiai na kanaka hana e eli ana i ka honua, ma kahi o ka umi-kumamalua kapuai ka hohonu. ma ka aoao ma ewa o ka hale Y. M. C. A. o ka oihana koa ame ka oihana kaua o Amerika, ma ka Poakolu o ka pule aku nei i hala i loaa aku ai ia lakou na iwi o kekahi wahine i kanuia. No ke kahiko loa o ka waiho ana o kela mau iwi iloko o ka lepo. ua hiki ole ke hooku'iku'iia e hiki al ke maopopo kekahi mau mea ano nui i pili i kela mau iwi. Mahope nae o ka noonoo ana o kela mau limahana, i na maa pono e bana aku ai no kela mau iwi, ua hooholoia e kanu hou, ma kahi i oi aku ka hohonu, mamua o kela wahi o ka loaa mua ana la lakou. No ka pono o ka Makai Josn C. Pimental, i waiho ae ai ka Loio Joseph S. Ferry, he noi imua o ka papa komisina makai ma ka Poakahi iho nei, e hoolohe nou U ka hoohalahala a Pimental, o ka hooleia ana e kela komisina. ma o ka noonoo hou ia ana o na oleloike ame na olelo hoonohonoho ma na aoao a elua. | | |
| | | HAINA NANE. Mr. Solomon Hanohano, Aloha nui nui kaua:—E oluolu e mailu mai i kauwahi kaawale o ka hiwahiwa a ka lehulehu, no ka'u haina o ka nane a ke keiki o Kona Hema; e olelo ana penei. He wahi paiki kakai ole kana, i loaa i ka hulu pekekeu manu, a pa iluna, paa ilalo, pa i o paa ianei. Olelo hou kekahi mahele o ka nane, Ina aole oe 1 hoomaopopo 1 ke ki e paa ai, alaila, aole pu mea e pomaikai ai. Ina nae, ua loaa ia oe ke ki uwila makeneki, e hooni ana i ke alahao, alaila, he ipo aloha au nau, no ka uwapo holuholu 1 ka muliwai. Heaha kuu paiki kakai ole? Haina. he LEHO. Loaa i ua kaheka kai o na kumupaa o Kona kai opua i ka lai, no ka mea, he lele no ka leho, mai kekahi pohaku, a kekahi pohaku, e kolo ana ma-o a maanei, paa iluna paa ilalo, pa i o paa ianei, o la iho la ke ano o kana hele ana. Eia nae, ina aole oe i ike i ka rula e paa ai ka leho, me oe, alalia, e nele ana oe wahi a kekahi manao 6 ka nane, o ia hoi, ina e hoohuli ae i ke alo o ka leho Ilalo, iluna paha o ka pohaku. a hele oe ma kekahi wahi okoa aku e lawai'a ai, he mea olaio, e kolo hou ana ka leho iloko o na poopoo o na ku'emaka pali, o ko noho no la la U-hoka, aohe ou mea e pomaikai ai, wahi a ka nane a hookaau iho la ka olelo a ua keiki nei o ka Ehukai o Palemano, i loaa i ka hulu pekekeu manu, ua kohu pekekeu manu io no ka io o ka leho ka hoomaka mai e kolo. Ina nae, ua loaa ia oe ke ki uwila makeneki, e hooni ana 1 ke alahao, alaila. he ipo aloha au nau. uo ka uwapo holuholu i ka muliwai. He nunea olaio, o ke ki e paa al ka leho me oa, o la kou hoohuli ana 1 ka leho iluna ke alo, aohe kakai e hopu ae ai, o ka noho malie ka pono Iloko o kona kino pupu kakai ole. Me ka mahalo 1 ka L. H. ame na keiki o ke ki uwila o ka papapa'i KA MAKANI O KE KOOLAU. Hu hewa mai Ia ka pa ana a ka makani o ke Koolau; aole ia o ka paiki kakai ole kohu al ke kaunu ana 1 ka uwapo holuholu 1 ka muliwai—Huli hou ia mai!—L. H. | | |
| | | |
| | | |
| | | |
| | | |
| | | | | | | | | | | | | |