Ka Oiaio, Volume VI, Number 3, 19 January 1894 — EIA AE KE KAI HOOEE. [ARTICLE]

EIA AE KE KAI HOOEE.

Ia lakou nei ae e ai a e inu-ona ana, e mare ana a e hoopalau ana eia ae hoi ko lakou kai-a-kahinalii ke hookokoke mai nei. Nolaila, he kupono ia kakou, e like me Noa a me kona ohana, e noho meha, e noho haipule; e kuu aku ia lakou, ka poe i hoopaakiki ia na naau, e na kuko, a i hoopouli ia na ikena ma muli o ka hoowahawaha i ka olelo ao a ke Akua, e hauoli no na hana kue i ka pono, o lilo pu aku anei kakou iloko o ka mimile ana a ka wai a me ka ino-e kahoaka mai nei ua kokoke mai maluna o lakou. O ka hoolohe a noho pono oia ke ola, a o ka hookuli a kue i ka pono oia ka make.