Ka Oiaio, Volume VI, Number 41, 12 October 1894 — Page 4

Nupepa Ka Oiaio.

"O KA PONO KA AIALII E OLA AI KA AINA"

Poalima, Otakoba 12 1894

 

LEO PAIPAI.

 

Ke hoike ia aku nei ka lohe i na luna a me no poe lawe pakahi o ka nupepa Ka Oiaio, e hookaa koke mai i ke ola o keia pepa mamua ae o ka la hope o Okatoba nei a o ka poe e hookaa ole mai ana e oki ia ana ka lakou pepa a mei haohao ke loaa ole aku ka oukou pepa. O ka makou leo hope keia e na makamaka. Ma ke kauoha.

 

UA HULI HOI MAI NEI.

 

Ma keia mokuahi mai nei, ihuli hoi mai ai he 16 poe kanaka Hawaii, mai Maunapohaku mai nei la kou aeia iho ka  inoa o kekahi poe o lakou. Kealakaihonua, Mahuanalii, kana wahine me eono keiki, Eleakala kana wahine me eono keiki, Kekau oha, kana wahine, a me kekahi poe oae, no lakou kahuina i hoike ia ia maluna a e nei.

 

KUPANAHA.

 

Ma ka Poaono nei, Oct. 6, ua haawi makana ia aku kekahi poe kanaka Hawaii eono e ko lakou haku ma ka umi dala i ka mea hookahi a iwaena oia poe he hookahi Pukiki; a ua kono pu ia no hoi e hele i ka ahaaina mare dala o Paulo makua, mawahe o Waialae no ka piha ana o na makahiki he 25 o ko laua noho mare ana.  I ka wa i loaa ai ke la mau dala o kela poe kanaka, ua kauoha ia lako@ e hele i  kahi o ke kaa, ua ae mai lakou haku e kau ae iluna, a kau aku la lakou, a holo aku la na leio me ka kaa.  Ua holo aku la lakou a mawaho o ka pa o ka hale aupuni a ku iho la, ia wa i kauoha ia aku ai ua poe kanaka nei e lele iho ilalo a e hele aku e hoohiki malalo o ke aupuni republika.  Ia wa i pane aku ai na kanaka aloha aina me ka hopo ole i ko lakou haku penei: Aole loa makou e ae ana e neeu aku i hookahi iniha no ke kakau ino ana; a ina o keia mau dala ka uku o ko makou hoohiki ana, alaila, ke hoihei aku nei makou ia mau dala, a aole makou e hana hou i ka oukou hana; he oi aku ka pono o keia Pukiki ke hele a hoohiki; aka. Ua pane ia mai nae lakou, "aole makemake ia ke Pukiki, o oukou o na kanaka Hawaii ka mea makemake ia."  Aole loa keia poe i ae aku. Ola kakou ia oukou, a e kupaa mau.

 

NUHOU O HALALEI, KAUAI.

 

Hon. J. E. Bush, e oluolu oe e hookomo iho i keia mau mea hou ma kau pepa, penei: Ua kipaku ia na kanaka a pau o Wailua-uka e ka luna nui o ka wiliko o Lihue, aole e noho ma ia wahi, aia lakou ma Hanalei kahi i noho ai i keia wa.  Aloha no na keiki kupa oia aina.  Ma ka Poaha o keia pule, ua holo aku elua mau kanaka ma ka waapa i ka lawaia; o Hoomana a me Kaapuiki, ma kakahiaka o ka Poalima ua ike ia aku hookahi kanaka  e huki mai ana i ka waapa ua piha i ke kai a ua ninau ia aku o Kaapuiki no kona kokoolua, na hai mai la oia, ua make o Hoomaua mamuli o ka huli ana o ka waapa.  Aloha no ia kanaka.  Me ka mahalo kau kanwa haahaa. S. K. Pakolea. Wainini, Hanalei, Kauai, Oct. 5.

 

He Ike Moi.

           

Ma ka Poakahinei, ua kipa aku la ka malama oihana Luna Aupuni o na Aina e ma Ladana, Mr. Hoffnung me kana wahine e ike i ka Moi-wahine i ke kakahiaka.  He luna aupuni keia i komisina ia e ka Moiwahina imua o ke alo alii o Enelani, a eia no oia ke paa nei i kona hookohu a hiki i keia la, me ka launa pu ana no me ke aupuni i hoonoho ia aku oia ma ia ao a hikiwale i keia la.  O keia keonimana kekahi o na kanaka waiwai o Enelani, a he mau hui kalepa kelakela kona, me kona mau hoahanau ma Ladana, Auseteralia, a ma na wahi e ae o ka honua  nei.  He hoaloha maikai hoi oia no Haku Roseberry, ke kuhina nui o Enelani i keia wa.  O keia ike ana o keia keonimana, he hoike ana no ia i ka maikai o ko kakou mau makamaka o ka noho ana Moi, iwaena o ka poe maikai, koe wale aku no ka poe kanekela i hoonoho ia, ua like lakou me ka ole.         Ua noi aku o Mr. Dole i keia luna aupuni Moi e waiho mai i kona hookohu, aka, ua papapala ia mai la oia e Mr. Hoffnung me ke kalakala, oi ai wahi ana aole kona hookohu mai a ia mai e kuleana ai oia e koi aku e haalele mai i kona kulana luna aupuni Moi.

 

HE MAU HANA KU I KA HOOWALEWALE.

 

Ua hoolaha aku makou i ka haawi paumi dala ia ana mai o na paahaa o ka pahana o ka Hui o Hakafela ma, he makana ia i na kanaka no ka la hanau o Paulo Isenberg makua, kekahi o na hoa koikoi oia hui kalepa.  He mea ano nui keia.  Ua like keia me ka mauna ekaoka a ka lawaia, no ka mea, ua haawi ia mai keia makana me ka maalea o ka lawaia, e uhi ana i ka makua, e paa ai ke kanaka e like me he ia la.  Oia maoli no ke ano e like me ka olelo i hoike ia mai e ka poe i makana ia, oia hoi ua haawi mai ka umi dala ia lakou a mahope koke iho ua lawe ia aku lakou maluna o kekahi kaa, a like me na manu nuhu wahi a ka manao a na haku, a ke keena Hoohiki e kakau inoa, me ko lakou oleloia ana aku, ina no oukou e ae e kekau oia iho la no, a ini aole oia like no.  Ua pololei no ka lawe ana o na paahana i ka makana a na Haku, oiai aole lakou i ike mua he mau hana piepiele keia a na Haku, wahi a ka na paahana hoomaopono anu iho mahope ia lakou i lawe ia ai ma ke kaa e hoohiki e like me ka hoa ia ana o kekahi pua hipa.  Ua hoole nae keia poe Hawaii opio a pau aole lakou i hoohiki a ua hoole pu kekahi kanaka Pukiki.  He mea ku keia i ka mahalo ui ia.  He hoike ana mai keia i ka oi aku o ka naauao a me ke aloha aina oiaio o keia poe kanaka opio Hawaii, e hilina ana i ko lakou ola i kela a me keia la no ko lakoa ola na ka hou o ko lakou lao a me ka ikaika o ko lakou lima.  He kulana kuokoa keia i oi ae @ ko na hapahaole a me na maoli haupa lewa i manao kuhihewa o ka hoohiki ke kumu o mau ai ko lakou mau pono kino ma na hana a ke aupuni a me na kakoo o na aupuni la.    Ke hoohalike ia ka hana a keia poe me ka hapahaole e hoohiki mai nei ka poe i hoonui ia ka ike ua hiki ke olelo ia he poe alii keia mau keiki papa o ka aina mamua o na hapahaole puni oihana i hiki ke hoohiki i ka pono o ka Lahui i piha ia na opuu manaele ana ole o lakou.  Ua pakua ia ka makana la hanau o ke keiki Keremania Paulo i haawi ia ai i na paahana Hawaii me kekahi ahaaina ma Waialae ma kahi o Paulo opio, kekahi keiki hanau poolua ia o kona ano he hapa misionari ma kekahi aoao o kona mau makua.  Ma keia mau hana kakou e iki ai i ka kona mau maua.  Ma keia mau hana kakou e ike ai i ka kaona o keia mau hana.  Aka he okoa ka ke kanaka mau hana, a he okoa ka ke Akua.

 

ULUHAIMALAMA.

 

Ke hoike ia aku nei ka lohe i na lede a pau i loaa na kono pua, ua makaukau ka mala pua a ka Moi Wahine Liliuokalani i kapaia o Uluhaimalama no ke kanu ana.  Nolaila ke kono ia aku nei oukou a pau e hele mai me na hookupu makamae.  E hoomaka ana ke kanu ana mai ka hora 9 o ke kakahiaka Poaha ae nei, a e pau ana i ka hora 12 o ke awakea, mahope oia manawa he luana iki ana iho.  Mrs. Nakanealoha Mana, Mea Malama Mala.

 

NU HOU KULOKO

           

Ua hou ia Kekahi lio e ka bipi makai o Kohololoa i nebinei, aole nae i nui loa ka poino. Ua lohe mai makou he eono kana mahaoi o ka hele ana e hoohiki  i ka Poaono nei i loaa ka ka hana, a i keia kakahiaka mai nei o pau mai ne i kipakuia, aloha no paha oukou.          He 16 poe kanaka Hawaii i hoihoi ia mai ne mai Ziona hou mai, nui ka pilikia o Maunapohaku.  Ua lanakila oe e Hawaii lahui ma kou ninau e waiho ala i Amerika; e hoihoi io ia an no ko kakou Moiwahine ma kona noho alii.  Eia mai ka nuhou hauoli e puka nei ma ka pepa o keia la, a e heluhelu iho me ke akahele, i lona pono ka manao.  Ma ka la apopo e huli hoi mai ai ka Hon. J. Nawahi mai na Hono mai o Piilani.  He mau ke ohohia ia o ka Peresidena o ka hui Aloha Aina e na makamaka o na Waieha a me ka ua Ukiukiu o Makawao.  E Robata e ke hookokoke loa mai nei ka manawa o kau kaula ili punahele e pakaawili ae ai ma ke kani a-i ou mau hoahanau paakiki nui wale mahope o ka lemu o na misionari aihue aina.      Ua ulu ae he haunaele mawaena o ka hunona a me ka makuahunowai i ka auwina la o nehinei ua Auwaiolimu, a pakele ke kani a-i o ka hunona mai poino, e ole ka owala e ia ana i ka ho mahiai.  Ea, ino ka ruta bia la, a e hoopau i kela ano hana.  I ka hora 7:30 o keia ahiahi e malama ia ai ke anaina puhiohe ma ka ma ka Hotele Hawaii,  o ka Bane Lahui Hawaii, no ka hoohanohano ana aku ia Kuhina Hawes, o Beritania Nui e noho nei i ke alo Alii o Hawaii nei.  Nolaila, ke kono ia aku nei ou kou apau enane nui ae e ike ku maka i ka nani o Aipo he ole ka lohe pepeiao.  I ka Poaono nei ke ku ana mai o ka Auseteralia me ka nuhou hauoli e pili an nou e Hawaii ponoi.  Aia ma ka pa aupuni o Maikiki he eono lio aea a o ka poe no lakou ia mau ho e ku koke aku mamua o ka la 20 o keia mahina o pau e auanei i ke kudala ia.  Ohuohu Halemano i kaua @@le hua oia ka hiona iike ia maka polea o Halaii, ma ka Hotele Hawaii i ahu laia  pua kauahi.  I ka hora 5 p m o keia a ina la epuehu akuai ka mokuahi Calaudina no kona mau awa maa mau ma Maui, a mai laila aku no Kauakanilehua o Hilo Hauakahi mea ia mai nae hoi ikii aku nei ka ia Peresidena Dole.  Ma ke awakea o ka poakahi nei i puka mai ai kekahi koe; nona ka loa he 8 iniha, mai loko mai o kekahi keiki nona na makahiki he ekolu a oi iki e waihe ana i ka mai.  Ma ke kakahiaka ua kiila ka maile kuiia awali, hamoia mu ka maka o keia keiki, a waihoia no keia puolo ma kahi kokoke i kona poo, mahope iho o ka hamoia ana o kona maka: ua hoopulonia oia me ke kapa Aole i liuliu loa; ua lohe aku la kona makuakane i ka iuai ana mai o keia keiki; a i kona wehe ana ae i ke kapa e uhi ana; me kona manao he lua; a ma kahi o ka luai; ua ike koke aku la oia he koe nui e waiho mai ana iluna o ka moena.  Mahope iho o ka hemo ana o keia kupuino nana e hoomailo ana i ke kino o keia opio; ua ano oluolu koke aela ko na mai.

 

         Elia Kaululaau

            KAUKA HANA NIHO

 

Ke hoike hou aku nei au imua o ko'u mau hoa makaainana a pun ko kakou nei Paeaina, eia no au ke hoomau nei ma ka'u.  Oihana Hana Niho: ma ko'u Keena, ma ke kihi o Alanui Betela a me Moi, ma ke Alani Moi ka puka e komo mai ai.

Ke kono aku nei au i ka poe a pau, i loaa ko lakou mau niho i ka eha; a na'u no e hoopau aku i na haawina ehaeha iloko o ka manawa pokole loa, me ka'u mau laau i kauana iwaena o ka poe a pau i hele mai i o'u nei.         He wai auau no'u ka huki ana na niho, a iloko e ka imo ana a ka maka, me ka palanehe launa ole, ua hemo ia niho eha, a ua hiki hoi ke hoopiha i na niho me ke Gula; Kala a iwi paha, me na uku haahaa, a i oi loa aku hoi ka maikai o ka hana a ana me ka maiau nui.  E kipa e o'u mau makamaka, a e loaa no au ma ko'u Keena hana, me ka makaukau mau e haawi aku i na ao ana ika mea kupono e hana ai i ko oukou mau niho; me ka auhau ole aku ia oukou no ia ao ana. Elia Kaululaau. Kauka Hana Niho.  Keena Kihi o Alanui Betele me Moi. Augate 1, 1894. aug3 tfd.

 

PONOPONO WAIWAI.

 

Ma ka hana e pili ana i ka waiwai o Petelo Kakoi o Honolulu, i make.  Oiai ua hookohu ia mai ka mea nona ka inoa malalo iho i Luuahooponopono waiwai no ka waiwai o Petelo Kakoi i make o Honolulu, a ma keia ke hoike ia aku nei na kanaka a pau a ka mea make i aie aku ai, e waiho mai i ka lakou mau koi aie e pau, me na bila i hooiaio kupono ia, e kue ana i ka waiwai o ka mea a make i oletoia, i na paha ma ka mora@@ a ano a ae paha; iloko o eono malani mai keia la aku, e waiho ia ea ma ke ke ena loio o Jas, K, Kaulia ma ke kihi o Alanui Nuuanu me Moiwahine ka Hale maluna, ai ola pela, e hoole mau loa ia aku no.  A o ra poe@ pau i ale ia Petelo Kakoi oleloia, e uku koke mai lakou ma ka lima o Jas. K. Kealia ka loio o ka waiwai i oleioia, ma ke keena i olelo ia. KAILI PETELO KAKOI.  Lunahooponopono waiwai o ka waiwai o Petelo Kakoi i make kauoha ole. Hanaia ma Honolulu Sept. 11th, 1894, @@@t 13 1m--dlv.

 

OLELO HOOLAHA.

 

EIKE AU A NEI NA KANAKA. A pau ma keia: Owau, o Hulu (k) no Kawaiahao, Honolulu, Oahu, Ko Hawaii Pae Aina.  Oiai, au e ola maikai ana, a n ka mea, ma ka makahiki 1886, a ma hope mai paha oia mauawa, ua hana au (ma o Maunakea Loio la) he palapala kauoha, e hoeili ana ia Keoki Naihe (k) ma oia wahi hookahi no, he wahi mahele apana aina o 21 kapuai loa me 21 kapuai laula iloko o kekahi apana aina o'u ma Kawaiahao, Honolulu, Oahu.  A no ka mea, o ke kumu ano nui o ko'u ho oili ana aku ia Keoki Naihe ma i olelo ia maluna'e; oia no ko laua malama ana mai i ola no'u a me ko'u pono hoi, a pau pono ka manawa o ko'u ola ana, a no ka mea hoi o Keoki Naihe ma i olelo ia maluna'e nei, ua hooko ole laua i ka malama ana mai i ola no'u iloko o keia mau makahiki eha o ko'u ola ana, nolaila, ke kukala aku nei au, a ke hoike aku nei hoi au imua o na kanaka apau loa, a ma keia ke hoopau loa aku nei i ua palapala kauoha la; a ua lilo ia i mea ole loa mai keia la aku.  Hanaia a hea wi malalo o ka'u kauoha a me ko'u Sila, i keia la 7@@Sepatemaba, 1894. HULU [k.], Ma o JOSEPH NAWAHI la kona Loio. sept 10 lm-wkly.

 

E Loaa no ka Pomaikai ke Heluhelu i Keia.

 

I ka poe a pau e nana mai ana i keia: Me ka hauoli nui au e hoike aku nei mu a ke akea, no ka pomaikai nui i loaa ia'u, mamuli o ko'u hapai hou ana, ahanau mai kou puhaka aku he keiki, a eia oia ke ola nei a hiki i keia manawa me ka maikai. Ua loaa iau keia pomakai mamuli o kou lohe ana mai kekahi mau makamaka mai, ua hiki loa ia Kauka L. Akina (Pake), ke hoopau i ko'u kuiana omamai, a ke hoohapai ia'u me kana LAAU HOOHAPAI KEIKI kauaua.  Ua hele au imua ona, a ua ai i kana mau laau, a ua loaa ie ia'u ke ola maikai, a i oi loa aku hoi i ko'u hapai ana.  he umikumamaiwa ka nui o na makahiki o ko'u hapai ole ana, a mamuli o ke Akamai o Kauka L. Akina, ea loaa hou ia'u ke Waiwai Makamae loa o keia ola ana.  He nui loa na wahine i loaa ia lakou keia pomaikai.  Me keia mau hoakaka pokole ke kono aku nei au i ko'u mau makan@ a me na Wahine Hawaii a pau i loa, eleia i keia haawina makamae, a me ka lahui holookoa; e hele ae imua o keia Loea, i loaa ai keia pomaikai uni ia oukou, a i oi loa hou aku hoi ika hooulu hou ana i ko kakou lahui.  MRS. KAINANA HAIRAMA. Waikiki, Iulai 5, 1894.  aug20 3 mns dly*.

 

HOOLAHA A KA LUNAHOOPONOPONO WAIWAI.

 

Ua koho pono ia ka mea nona ka inoa malalo nei, i Lunahooponopono no ka waiwai o H. K. Kaaihue(k) o Halaula Kohala i make, Mokupuni o Hawaii.  Ma keia ke hoike ia aku nei ka lohe i na mea a pau he mau koi ka lakou maka Moraki a palapala o ae paha, e hoike koke mai i ka mea nona kainoa malalo iho nei iloko o eono Mahina mai keia la aku ai ole, e hoole 'oa ia mahope oia manawa.  A o na poe he mau aie ko lakou i ka mea i make e awiwi koke lakou i ka hookaa koke mai ma ke Koena o S. K. Kane ma ke kihi o na Alanui Moi a me Betela ma ka hale maluna.  MRS. NAOMI KAAIHUE. Lunahooponopono Waiwai o H. K. Kaihue (k) i make.  Honolulu August 14, 1894. aug15 8wkad.

 

Umeke! Umeke!! Umeke!!!

 

O ka poe a pau e makemake ana mau UMEKE POHUE, mai ka mea @unui a ka mea liilii, a me a UMEKE LIILII loa i kupono no ka ahaaina, mai ka hookahi kakini a pii aku, e loaa ma ke kumukuai haahaa loa, ke hele mui e kuai me a'u ma ka Makeke o Ulakoheo.  Ke kono aku nei au i ka poe a pau e makemake ana e ike pono i na kumukuai, e hele e ninau, a e hoike ia aku no, me ka hauoli nui.  Ua loaa mai ia'u he mau pahu Kamano hou loa, he nunui ka ia me ka momona pu, a i oi loa aku hoi i ke oki ole ia ana o ke poo o ke Kamano.  E nane mai e na makamaka, i ike pono i ka olu waipahe o na kumukuai.  D.W. KUALAKU.  Honolulu, Sept. 24 '94. 1m dly.

 

OLELO HOOLAHA O-HEE

 

Ke hoolahaia aku nei, o ka poe a pau e makemake ana e O-Hee, ma ke kai o Koholaloa ae nei, no ka Poaha o keia pule ae e hiki mai ana, Okatoba 11.  E hele mua ae lakou, me ka auhau hookahi dala a ke Konohiki, ma ka hale noho o ka mea nona ka inoa malalo iho nei, ma Koholaloa, a loaa aku ka palapala ae mai a'u aku.  WALLEY DAVIS. Honolulu, Oahu, Oct. 2, 1894. oct4 1wkd.

 

B. F. Ehlers&Co. (Painapa Ma.)

 

KO

Na Lede Kolamu.

 

Ua hoike nai o Mr. Chase ka Lunanui o ka hale ma Kluopeope, e hoike ana i kekahi mea e kau aku ana maluna o ka Madame Pele.  Ua manao o Chase, ua @ohe o Pele no ke kuai hoemi me kahi puka nuku, nolaila na hooholo iho la oia e hana i kekahi hana oi ae.  Ua paa loa ko makou manawa me ka hana, nolaila, nole e hiki ia makou ke holo ilaila e nana ai i na mea e hanaia ana, nolaila eia ka manawa maikai no oukou e hele ai ma ko makou ao o.  E hoomanao oukou e ka poe i kuai ana me makou i kela a me keia manawa e loaa aku ana he kikiki ia oukou.  E malama i no kikiki A pau.  Aole i kaupalena ia ka luina au e kuai ai, Ma ka la 26 o Dekemaka, ma ke kakabiaka mahope iho o ke Karitimaka o ke  kane, wahine a keiki paha e lawe mai ana maloko o keia Halekuai i keia mau kikiki, i oi ae ka heluna mamua o ka na poe eae, a biki i ka hora 12 oia la e loaa no KIKIKI no ka Holo a Hoi ana mai mai KAPUOPELE mai, me kekahi palapala hoolauna ia Madame Pele ma ke ano, oia ko B. F. EHLERS & Co, kanaka ma kona aoao.  O keia kikiki, ua hiki ia oe ke koho i ke ala au e makemake ai e hoho a me ka manawa pu e haalele ai.  E hoonanao i na manawa a pau au e kuai ai, nui a uuku papa e loaa ana ia oe he kikiki he hana kueona e hoikaika ia e kela a me keia.  O@ai ka manawa e nee ana e hoohauoli aka no makou i ko makou pae kuai mai me na kumukuai haahaa me kahi puka nuku.  Ua ku mai nei a Mariposa i ka manawa kupono.  Ua kau aku ko makou manao nui no keia Lole BALU ULIULI a me ka ELEELE o ke ano hou loa; pela pu no hoi me na GINAMU KEKOKIA, a me ka lole Danimete o na ano waihooluu like ole.  Ua loaa pu mai he mau lole Botika hou o na ano a pau, a pela me ke Karitona ma ka laula pakahi a papalua hoi, i kupono no ka hana paku ana, a me ka uhi ana i na Lako Hale.  E makemake ana anei oe e holo e Kaluaopele. B. F. EHLERS & Co. (Painapa, Ma.) Alanui Papu 1wdly.

 

KAUOHA NO KA LA HE HOOLOHEIA

AI KE NOI HOOPOOPONO WAIWAI

 

AHA HOOKOLOKOLO KAAPUNI. Apana Elua, o ka Republika o Hawaii, o ko Hawaii Pae Aina.  Ma ka Hooponopono Waiwai Ma ka hana o ka Waiwai o MOANALUA (k), no Wailuku, Maui, i make kauoha ole.  Ma ke Keena imua o A. N. Kepoikai, Lunakanawai.  Ma ka heluhelu a me ka waiho ia ana mai o ka Palapala Noi a SOLOMON KAWAIHOA (k), no Kamalo, Molokai, e hoike ana ua make kauoha ole o Moanalua (k) no Kamalo, Molokai, e hoike ana ua make kauoha ole o Moanalua (k), no Wailuku, Maui, ma i ka la o 188, a e noi ana e Hooponoponoia ka Waiwai, a e hooholo ia i na hooilina.  Ua kauohaia o ka Poakahi, ka la 27 o Augate, M. H. 1894, ma ka hora 10 kakahiaka, oia ka manawa i kohoia o ka hoolehe ana i ua noi la imua o ua Lunakanawai la ma kona keena, ma ka Hale Hookolokolo, ma Wailuku, a ma ia manawa a ma ia wahi no, e hele mai ai na mea a pau i pili e hoike mai i ke kumu, ina he kumu oiaio ko lakou, e ae ole ia ai ua noi la.  Kakauia ma Honolulu, Ko Hawaii Pae Aina, Iulai 24, M. H. 1894.  Na ka Aha, HENRY SMITH, Kakauolelo Hookolokolo ana Oih.

 

Halekuai Rama

J. H. Lovejoy.

 

E loaa no na Rama maikai loa o na ano a pau ma ua Hale Kuai Rama Kokaa, a kuai liilii.  Ke noho hookeleia nei keia mau hale rama e kekahi kanaka Hawaii a ke kono aku nei oia na kanaka a pau e kipa moa ae ma ka Hale Kuai Rama Heleuma (Anchor Saloon) e ku nei ma ke kihi makai o ke Alanui Moi a me Nuuanu, a no  ke kuai kukaa ana e kipa ae ma ka Hale Kuai e ku nei ma ke Kihi oke Alanui o Ulakoheo a m nuuanu. E kipa mai e ninau i ke kumu kuai o na rama o na ano a pau; e hoike ia aku o me na kamuku haahaa loa.  19. tfd.

 

Hoolaha Ano Nui

=:NA:=

Kauka L. Akina.

 

E na hoaloha a me makamaka Hawaii mai na kaue a na wahine.  Ke poloai aku nei a'u ia oukou apau e ka poe i loaa i na mai o ke la a me keia ano e noho paihua ana no kekahi manawa loihi, e hele mai ma KOU KEENA KAUKA ma ke ALANUI KAMIKA a me HOTELE, HELE 317, a nau e hoopau aku ia ua mau kaumaha ala, ma ka ai ana i kau mau LAAU LAPAAU HOOLA KUPANAHA, oaa mai ia'u mai Kina mai.  Eia me au k a LAAU no ka hoola ana i ka MAI HOOKAAWALE OHANA, a he nui ka poe i hoola ia mamuli o ka ai ana i k eia LAAU.  Ua hiki no ia'u ke hoola i na mai @@a na mai lele a me na wai o ke la ano keia ano, na mai kokoino.  Akepau a me ka hoomaemae ana i ke  kino holookoa me keia mau laau au.  He LAAU HOOHAPAI KEIKI no kaua ua loaa ke keiki a kekahi poe, i nele ia haawina nakamae no kekah mau makahiki loihi, mahope ihe e ku lakou ai ana i keia Laau.  He LAAU hooheno koko no kekahi a'u a ua mahalo nui ka poe i ai i keia laau, no ka maikai a me ka oluolu o ke ano o ka hana o keia laau.  Ke kono aku nei au ia oe o na makamaka e kipa mai, i pau'ai ko oukou kuhuhewa no ka hiki ole a'u ke hoopau aku i ko oukou mau pilikia.  He okolu ko'u uku lapaau i ke oukou mau pilikia.  E loaa no au i na hora apau ma KOU KEENA KAUKA ma alanui Kamika a me Hotele.  KAUKA L. AKINA. Kihi@o Alanui Kamika & Hotele He@u @@ a me @17. Fe. 10 @@ dlv.