Ka Oiaio, Volume VII, Number 28, 13 September 1895 — Page 1

Ka Oiaio.

 

NUPEPA KA OIAIO

"O KA PONO KA AIALII E OLA AI KA AINA"

BUKE VII      HONOLULU SEPT. 13, '95. HELU 63

 

Ka Makai Kiu Lau Omaomao.

Ke Kaeaea o na kakai pali nihoniho o Misouri.

KA MEA NANA I HOOHOOKA KA POWA IEKE A ME KONA PUALI HOLOKOA.

A I OLE

Ke Aka kino wailua o ke kuluaumoe

 

            Ke sila nei makou i ko makou mau inoa me ke koko penei, o ko makou kino, no ka hooko ana i na hana a pau e pono ai ka makou oihana.

            I ka wa lohe ia ai kekahi lala, ua hoike, a kamailio paha, i kekahi mea huna i keia hui, i kekahi mea okoa mawaho e o ka hui, e make no oia, a me kona ohana a pau i pili iaia.

            A no ka mea hou, he hui keia i hoohui ia malalo o ka inoa hae ula ula, no ka wa mau loa.

            Ma keia, ke kakau nei makou i ko makou mau inoa, me na huaolelo hoohiki maluna ae.

            O keia aela na olelo ano nui oloko ona palapala ala, a o ka poe mawaho ae o ka hui powa i komo i keia hana, oia no kela poe hoike o ka ona banako, a me keia hele ana aku e ike ai kakou a pau i ka hooko ana o ka Makai Kiu i kana olelo ai i kinohi, no ka hopu ana i keia poe a pau loa.

            I ka pau ana o ka heluhelu ana a ka loio aupuni i na olelo oloko o ua palapala ala, ua waiho ia aku la ia imua o ke kahu o ka aha, a iloko oia wa hookahi, ua hoopau mai la ka aoao hoopiiia i ka ninau ana i ka hoike.

            I ka wa i pau ai, oia no ka wa o ka Makai Kiu i haawi aku ai i ke kahi mau palapala hopu he 11 ka nui i ka loio aupuni, a oia kana i nana iho ai, a ike iho la oia i kainoa o kela a me keia e kau ana, a oia kana i nana a'e ae iua poe ala iloko o ke keena hookolokolo, e ake ana oia e ike aku, aka, aola nae oia i ike iki.

            I kela wa, ua hele mai la oia e ninau i ka Makai Kiu iua poe ala i manaoia ai he poe i komo pu iloko o ka hewa aihue.

            Ua panei aku la ka Makai Kiu: aia a pau keia mau palapala i ka hoohikiia, alaila, haawi mai oe ia'u, a na'u e hopu aku ia lakou a pau i keia wa a no.

            Ua hele koke aku la ka loio aupuni e hoohiki iua mau palapala ala imua o ke kahu o ka aha, a i ka pau ana, ua hoi aku la oia a haawi i ka Makai Kiu, a oia no kona wa i ku ae ai iluna a hele aku la a puka iwaho, a malaila oia kahi i kali ai, a hiki i ka hoomaha ana o ka aha i ka hora 12 ponoi oia la.

            Oia hoi ka wa o na mea a pau i puka aku ai iwaho, aia hoi na maka noii o ka Makai Kiu ke haka pono ala maluna o kana poe pio, e kali mai ana o ko lakou puka aku iwaho.

            I ke kanaka mua loa o lakou i puka aku ai iwaho, ua paa maila oia i ka hopu ia e ka Makai Kiu, a haawiia aku la i na makai kiu eae.

            Ua paa iaia he 9 o lakou a holo elua, a oia ka ka Makai Kiu i uhai aku ai mahope o ko laua meheu a hiki i ka loaa ana iloko o kekahi hotele aina, he aneane hookahi mile ka mamao mai ka 'halehookolokolo aku a malaila laua kahi i hopu ia ai e ka Makai Kiu

            I ka paa ana o keia mau lawehala a ka Makai Kiu, ua lilo ia i mea pahaohao i na mea a pau, me ka ninau ana, heaha la ko lakou hewa i hopu ia ai, aka, e ike ana oe e ka mea heluhelu i ko lakou hewa i hopuia ai.

            I ka pau ana o keia mau mea i ka hopuia, ua lawe aku la oia no ka hale paahao a waiho aku la ia lakou a pau i ka lima o ka ilamuku a nana hoi i onou aku ia lakou a pau i kahi hoopaa lawehala, a huli hoi aku la ka Makai Kiu, a waiho i kana hoike imua o Palea, a hoi loa aku la oia e paina i kona ain aawakea, ma kekahi hotele kokoke loa i ka hale hookolokolo, a malaila oia i hoopiha iho ai i kana ipu olelo, a hiki i ka lawa ana o lua o ka inaina.

            I ka pau ana o kana paina ana, ua hoi aku la oia no ka hale hookolokolo, a malaila oia kahi i hoomaha iki ai, a hiki i ke kani ana o ka hora 1:30, p.m. ka wa hoi a ka aha i hoopanee ai.

            I ka mau kuhikuhi minute i hiki pono ae ai ka manawa i hoopanee ia ai, aia nei ua ike ia aku la k@ k@ kulanakauhale a pau e mot@ ma@ @na ko lakou alahele no ka hale hookolokolo.

            I na mea a pau e hoolai ana, oia hoi ka mea hanohano ke kahu o ka aha ma kona noho, oia no ka wa o ka loio pale i ku mai ai iluna a noi mai la, e hookuu ia ka mea i hoopiiia.

            Ua hoomaka oia e wehewehe mai i na olelo ku i ke kaili puuwai me ka naauao, e hiki ai @o ia ka@a manewa ke olelo iho he naauaao, aka, o ka rula keia o ka p@i lehia maia hana, ua hele a wale waha ia lakou na olelo o kela a me keia ano.

            I ke kuu ana iho o kana mau olelo, ua ku ae la ka loio aupuni a kue aku la i kana mau hooakaka a pau, a waiho aku la imua o ka aha, no kona noonoo ana, oia ka wa o ka aha i hoole mai ai i na kumu pale a pau a ka loio o ka aoao pale a haule iho la ke kumu pale i @a@ao@ e ka loio pale.

            I keia wa, ua ninau maila ka aha i ka loio pale, i na paha he mau hoike kona, e kue ai i na olelo ike a ka aoao hoopii?

            Ae, he mau hoike no ko'u, e kue ai i na olelo ike a pau, a ka aoao hoopii i hoike iho nei.

            I ke kuu ana iho o kona leo, ua lohe koke@ aku la he leo, i ka pa@ ana mai ma ka paia, i ka pane ana mai, e wehe ae i ka aahu o ka mea hoopiiia a e ike ia no, he mau moku pahi ekolu mahope o ke kua o ka mea i hoopiiia.

            I ke kuu ana iho o keia leo, ua ku koke ae la ka ilamuku iluna, a hele aku la a lalau i ka mea hoopii ia, a lawe aku la iloko o kona rumi no ka n@@ ana, ua huli ia kona kino ma ka wehe ia ana o kona aahu, a ike koke ia iho la na moku pahi e kolu ma kona kua.

            Iloko oia wa, ua kauoha ia maila na jiure e komo aku e nana pono i kahi o mea hoopiiia i moku i ka pahi, a komo aku la lakou, a ike pono he oiaio ka mea a ka leo ka manao i hoike mai ai, a hoi hou aku la lakou no ke keena hookolokolo e noho ai.

            Mamuli o keia ike ia ana o keia moku pahi, ua hiki loa ke hooiaio ia he kanaka puuwai eleele io no oia, a o ke kumu i moku ai o kona kua ua hakaka maoli oia me kekahi mea.

            I kela wa, ua ku aela ka loio pale iluna, a kaho'aho'a mai la i kana mau olelo ku i ke aloha, me ka haawi ana ina waipahe imua o na jiure o ka aina, no ka pono o kona mua, e pale ana iaia mai loko ae o na poino a pau a ke kanawai i hoopuni ai iaia, elike me ka ike i loaa iaia.

            Ua kamaailio keia loio no ekolu hora, me ka ikaika, a me ka naauao a h@@@ kona waiho ana aku i ka hihi@ iloko o na poe op@ noonoo o 12, na keonimana hoi o ke jiure.

            Ma ka nana aku a ka poe makaikai, ua lilo na olelo ike a pau a na hoike o ka aoao aupuni i mea ole, a o na pono a me na pomaikai o ke kanalua, no ka mea hoopiiia noia.

            Kai no hoi oia wale no ka laeula, eiae no ka hoi kekahi pupu kanioe, o ka loio o ka aoao aupuni, ka mea nana i kuekaa ma i na mea a pau, a molae na iwi o Hua i ka la, a oia hoi, ua haihai na iwi o ke kalohe.

            I ka loio aupuni i ku ae ai iluna ua haawi aku la oia i kona hoomaikai i ke kahu o ka aha, a me na keonimana o ke jiure, a emi hope aku la oia no ekolu keehina ihope, a ku iho la.

            Iloko oia wa, ua hoomaka aku la oia e wehewehe ina olelo ike a na hoike, a hiki i ka pau ana, ua lawe hou mai la oia i na olelo ike a ka leo kupanaha a kakou like ae nei, a hoakaka mai la imua o na jiure me ka leo waipahe, ua kuu mai la oia i kana olelo hope imua o na jiure.

            I ka pau ana o kana mau olelo, ua haawi hou mai la oia ina hoomaikai ana i ka aha a me na jiure, a hoi ae la oia a noho iluna o kona noho.

            Iloko oia wa, ua ku ae la ke kahu o ka aha iluna, a pela pu hoi na jiure, a oia ka wa o ke kahu o ka aha i haawi mai ai i kana olelo ao, imua o na jiure, i kulike me ke kanawai, a hiki i ka pau ana, a noho iho la ilalo, a o na jiure hoi ua komo akula lakou iloko o ka rumi, no ka noonoo ana i ka lakou olelo hooholo e pili ana no ka mea i hoopiiia.

            He hookahi hora mahpoe iho, ua lohe ia aku la ke koele ana mai o ka puka, a kii ia aku la e wehe, a hemo mai la na jiure iwaho, me ka lakou olelo hooholo.

            Ua haawi ia aku la ka pepa a lakou i hooholo like ai i ke kahu o ka aha, a oia kana i heluhelu mai ai, ke ahewa hoi ke jiure o ka aina i ka ae @e @@ il@ @@@ @@ k@@er@ @@a@@ i ke kai @@na @iahue.

            O ka oukou olelo hooholo anei keia, ae wahi a na jiure i pane aku ai, aole hookahi jiure kue.

            M@@eia, ua ike aela oe e kuu makamaka heluhelu, ua kau aku @hewa a ke kanawai maluna @ ka mea hoopiia; a oia ka haawina hookahi no ke kau ana aku maluna o na poe he 11 i hopu hope ia ai iloko o ekolu la o ko lakou hookoloko ia ana.

            O ka manawa o keia hookolokolo ia ana, he ekolu pule ia me elua la keu, akahi no a pau a e hoomanao oe e ka mea heluhelu no ka powa Robine Huka, oiai, ke aneane aku nei e piha na la he 30, i ku like ai me ka olelo hooholo a ka aha.

            I ka hoea ana mai o ka la e kau ai ka powa Robine Huka, a me kona poe a pau i ka lele, oia ka la o ka Makai Kiu Lau Omaomao i hoi mai ai i kona aloha palena ole, no ka poe i ahewa ia no ka make.

            Mamua ae o ke kani ana o ka hora 10 ia kakahiaka, ua hiki aku @ ka Makai Kiu Lau Omaomao imua o ka lunakanawai kiekie me kekahi pepa @n@ ponoi no i @@@a, i kakau ia hoi me ke koko o kona lima akau, a eia na olelo oloko ona leta ai.

            I ka lunakanawai nui o ka mokuaina o Nu Ioka nei, iloko o ka repubalika nui o Amerika Huipuia

            Me ka mahalo.

            Mamuli o kou ano he luna hooko nui no ke aupuni, e noho mana ana maluna o ke kanawai, a e hooko hoi me ka ewaewa ole, a o kau olelo hooko he mea paa ia, e hiki ole ai hoi ke kapaia ae mamua o na manao o ke kanaka

            Aka, ua hiki no ke noonoo ia, mamuli o kekahi halawai kuikawa, a na lala a pau o ka oihana hooko o ke aupuni, no ke kapae ana ae ina hoopai koikoi o ka make, i kau aku maluna o ka poe i hoop@@i@a.

            Nolaila, ke noi nei au imua ou me kou h@@oha@o e ae ia mai, e noho ka aha kuka i keia la, no ka noonoo ana i ka hoopai kupono e kau aku ai maluna o Robine Huka a me kona poe a pau meia.

            Oiai hoi, he mea nui loa ke ola, he mea hiki ole hoi ke kuai ia me na waiwai a pau o keia ao.

            Me ka manaolana, e hooko ana ka mea mahaloia i keia leo poloai

            Me ka haahaa,

            Lau Omaomao.

Kauwa na ka lehulehu.

            Ua nana iho la ka lunakanawai i ua leta ala, me ka manao pihoihoi, oiai, oia i ike iho ai, he koko io o kekahi kanaka ola.

            I ka pau ana o kana nana ana, ua huli mai la oia a hoomaikai i ka Makai Kiu, a pane mai la i ka hora 11 o keia la, e hiki hou mai ai oe i kou keena oihana nei, a oia ka wa e hoike ia aku ai ka pane o keia leta, i kakau ia me ke koko.

            Ma keia pane a ka luna kanawai ua haawi aku la oia i kona hoomaikai a huli aku la oia a hoi no ka hotele, kahi ona i hele mai ai.

            I ka hala ana aku o ka Makai Kiu, ua kauoha koke aela ka luna kanawai i kana mau elele lawe kauoha, e kii aku ina luna aupuni a pau, a me ke kiaaina, ua makemake ka aha kiekie e hui mamua ae o o ke kani ana o ka hora 11 o keia la.

            He mea oiaio, ua hooko aku la na elele lawe kauoha i ka lakou apana hana, a he 20 minute i hala ae o ka hora 10, oia ka wa i akoako mai ai na mea a pau, ma ke keena kuka o ka aha kiekie.

            I kela wa, ua ku mai la ka lunakanawai a hoike mai la i ke kumu o ka halawai i kahea ia ai, a me ka makemake hoi oia halawai ana, a hiki i ka pau ana a noho iho la oia ilalo.

            Iloko oia wa, ua ku mai la ke kakauolelo oloko o ka leta a ka Makai Kiu a kaua i ike mua ae nei, a hiki i ka pau ana, a noho iho la oia ilalo.

            I kela wa, ua hooholo koke lakou a pau, i ka hoopai kupono e pili ana no ka powa Robine Huka, a me kona poe, e hoopaa iaia i ka halepaahao no 20 makahiki, a no ka poe eae, i 15 makahiki pakahi, a penei na olelo ano nui ona olelo hooholo ala, i hooholo ia, a e heluhelu ia penei.

            Halawai Kuikawa

            Aha Kiekie ma Nu Ioka.

            No ka pono, a me ka pomaikai o ke ola ana, o na poe powa i ahewa ia no ka make @a ka amana, a i ole kipuia hoi, elike me ka ka aha hookolokolo jiure i hooholo ai, noia hewa.

            Nolaila, ma keia, ke hooholo nei keia halawai e kapae ia ae ka @a e pai o ka make mai a lakou ae, hooahewa ia lakou penei.

            No Robine Huka, ke alakai powa o ka mokuaina o Misisipi he 20 makahiki ma ka hana oolea, a no @@ia ona @@@ makahiki pakahi.

            Ma keia, ke hooko nei na luna hooko a pau o ka mokuaina o Nu Ioka, i ke noi a kekahi lala o ka oihana makai kiu o Misouri, nona kainoa Lau Omaomao.

            Ma keia ke kakau inoa nei makou a pau, me ka hoopii pu ana mai i ko makou sila oihana,

            A ke kauoha ia nei ka ilamuku o ke aupuni, a me na l@n@ko@ kieki aole e hookau i ka make maluna o ka poe i ahewa ia e ke jiure o ka aina.

            E lilo keia i olelo hooholo paa no ka aha kiekie ma kona halawai kuikawa ana i ka malama ia i keia la 31 o Malaki 1876.

            Na ka halawai kuikawa o ka aha kiekie o Nu Ioka Amerika Huipuia.

            Ua haawi ia keia olelo hooholo i ka ilamuku a nana e heluhelu aku imua o ka poe i ahewa ia, ma ka halepaahao.

            I ka hora 11 ponoi oia kakahiaka, ua hiki hou aku la ka Makai Kiu i ke keena oihana o ka aha kiekie, a malaila i hoike ia mai ai iaia ka olelo hooholo a ka halawai kuikawa o na luna aupuni, a oia kana i haawi aku ai i na hoomaikai ana i na lala a pau o ka aha, a hoi aku la oia no ke keena oihana Makai Kiu o Kapena Palea.

            Mamua ae o ke kani ana o ka hora 12, ua hiki aku la ka luna aupuni i ka halepaahao, a o ka Makai Kiu pu kekahi a me na lala a pau oia oihana.

            I ka hora 12 ponoi, ua wehe ia mai la na puka o na poe paahao i paa ai, a lawe ia ae la lakou, a ku laina like iho la, imua o na luna aupuni a pau, a oia ka wa o ka ilamuku i heluhelu mai ai i ka olelo hooholo a ka aha kuikawa o na luna aupuni, elike me ka kaua i ike mua ae nei.

 

HE MOOLELO KAAO HAWAII

no

LAUKAIEIE,

Ke Kino Kamahao Iloko o ka Punohu Ua-koko.

Ke Kahulil@ol'a o ke Kuluaumoe o na Pali o Wapio Hawaii.

 

Ka lilo ana o Laukaieie ma ka mana kupua o ka Pulelehua me ka ike ole o na mea a pau maluna o Nihoa, huli o Makanikeoe a loaa ina kukulu o Tahiti me K@hikinolua.

 

            I ka lohe ana o Makanikeoe i na olelo a kona kaikoeke alii ana @imi ai, ua lele koke kona hauli me ka manao pihoihoi, a oia no ka manawa ana eueu la i huli koke ae ai maluna o Nihoa, aole io no kona kaikuahine lani alii,

            Nolaila, ua ui a ninau ae la oia i na kupua a pau o ka aina a me ke kai.

            Ua pane like mai lakou, aole he mea o lakou i ike i kona wahi i hele ai.

            Aia no hoi i keia wa I lohe ai o Hinahelelani no keia olelo ninau a Makanikeoe, elike me ka manao o Sam Kawelonaokalailehua, a ua pane koke mai la o Hinahelelani mamuli o kona ike mana kupua.

            No kau olelo ninau @ ko makou kaikunane no ko haku lani kaikuahine, a ke hai aku nei au ia oe, ua lawe ia e ka Peelua o Kumuhea mai Nihoa aku nei.

            Aia la i ka moana kahi i hele ai aole nae i pae i ka aina ona Peelua la ua nui nae na aina i hala hope ia laua e hele ala, ua ike ko kaikuahine me ka make e lawe ia ala nolaila, i na e pae aka i ka aina ponoi ona Kumehea la, o ka pau noia o ka pono a me ka loaa ana.

            A he hana nui me ke kaua me ka ikaika, ke manao kakou iaia, aole no e loaa koke ia'u ke hele e mai, @ a la i na he aloha kou ia @n@ k@@a me ka haku la i o kakou, @ ae wale no ka mea e loaa ai i ka manawa pokole loa.

            I ka lohe ana o ke alii k@ne i k@ mau olelo a Hinahelelani.

 

HE MOOLELO HOONANEA NO EVALINA,

Ke Kukui Uila o Dubelina,

A ME HAROLANA,

Ka Eueu o na Kuahiwi

A O KE ALOHA KAKIA I KA IWI.

            I ka wanaao, ua hiki aku la oia ma kekahi aoao o kekahi kahawai, e kahe ana kona mau huna wai huinui, mai ka piko mai o kekahi lalani mauna e ku pololei mai ana ma kona aoao.

            Lele iho la oia ilalo, a hookuu aku la i kona mau hoa hele alo kuahiwi, e inu wahi wai a pela no hoi oia i komo pu aku ai maia haawina hookahi.

            I keia wa, akahi no oia a ike mai i ka pololi a ka ai, oiai keia wa lohi o hookahi anahulu la a oi o kona noho wale ana me ka ai ole.

            Hoomau aku la oia i ka hele ana a hiki i ka wehewehe ana mai o kaiao, ia wa oia i ike aku ai i ka punohu mai o ka uahi iloko o kekahi wahi ponaha laau, e ku kohao ana iluna o kekahi puu, e uhi ia ana e ka ohu.

            Huli aku la oia a nana pono, a hoomaopopo iho la oloko ona he wahi kanaka paha ia, ke hoike mai ia kona mau hiona i ka noho ia e ke kanaka.

            Oiai oia e nana hoomau ana i ka punohu uahi a oili ae @ mai loko ae o kahi ponaha laau, e ku kohao ala i ka malia.

            Aia hoi, ike aku la oia i ka maalo ana ae o kekahi mea kino ola uhane, ma kahi o ka punohu uahi e kokolo mai la me he ohu la.

            A o kona maalo ana ae me kona nalo hikiwawe ana aku, ua like ia me kekahi kino aka uhane o kekahi akua lapu, e holapu ana maia wahi oneanea.

            He mea keia nana i hookahaha loa i kona noonoo, oiai, ua maopopo no iaia, o kana mea i ike ai, aole ia he mea e pulapu mai ana i kona ike ana he kanaka ola maoii no oia.

            Aka, i mea e pau ai ka uluku ana o kona manao, ua hoomau aku la oia i kana huakai hele, ma kahi a ke aka kino kanaka i maalo ae ai a nalo koke aku no.

            Oiai oia e nee aku nei me ka awiwi nui, ike ia oia i ka mea ana i ike mua ai, e heihei ana me ka makani puahiohio nui, iluna o kekahi kahua one lehu, e kau kehakeha mai ana mamua o kona mau maka.

            Ku iki iho la oia maia wahi, me ka haawi ana i mau minute e hooluolu ai no kona mau holoholona ahonui oia hoi kona mau maka hoohialaai e kaulona pono ana, ma kahi o ka hololio kamahao e nee awiwi ae la ma kona alahele.

            I ke kokoke iki ana mai o keia kau lio, ma kahi he hapalua mile paha ka mamao mai kahi aku ana e ku hoomaha nei, a me kona mau holoholona.

            Ia wa oia i kaukau ae ai i keia mau huaolelo hoohoihoi, oiai kona lio e oni ana i o a ia nei, me ka hoike pu ana mai i ko laua mau kuana eleu, e hiki ai ke hooko ia kona makemake i ka wa pokole.

            E haawi i kona holo a pau, no kahi o kela kau lio kamahao, ka mea nana i hoa@oe moe i ko'u noonoo iloko o keia mau minute o ka manawa, a'u hoi e upu aku nei heaha la kana hana nui ma kela wahi, oia wale no.

            I loa no a pau kana mau huaolelo, aia hoi, he imo ana na ka maka'na kuupau aku la kona lio ahonui i ka holo ana i ike ole ai, mai kona la i hanau ia mai ai a hiki iho la ia manawa.

            A he manawa pokole wale no, aia hoi, ua kokoke aku la oia mahope o ka mea ana i ainalu mai ai, he mau anana wale no ke kaawale mai iaia aku.

            Aia hoi, ua hoohikilele ia kona manao, oiai hoi, e kapalili ana kena houpo i kona ike ana aku o ke kau lio ana i alualu mai ai aole ia he kane, elike me kona ano.

            Aka, he mea kino wahine ia e holo heihei ana me ka puahiohi maluna o kela kula oneanea kanaka ole, hookahi no kanaka o ka mea e kau ana maluna o ka lio.

 

NA MAHELE ANA O KE KULANAKAUHALE.

APANA 1.  Kauka Meyer.  O kela wahi a pau mawaena o ke alanui Moi, Kapalama, a me ke kai, mai ka uwapo aku o Haaliliamanu, e moe la i ke Komohana.

APANA 2.  Kauka Herbert.  O kela wahi a pau e waiho la mawaena o alanui Moi, (Palama) a me Kaaka, a e moe la i ke Komohana aku mai alanui Liliha.

APANA. 3.  Kauka Mayson.  I anapuni ia mauka o alanui Kula, ma kai mai o alanui Moi, ma ka muliwai Nuuanu a me alanui Beretania, a ma ka Hikini o alanui Nuuanu a ma ke Komohana o alanui Liliha.

APANA. 4.  Kauka Emekona.  I anapuniia mauka mai o ke alanui Kula, makai o ke alanui Beritania, ma ka Hikina o alanui Alapai, a ma ke Komohana o alanui Nuuanu

APANA. 5.  Kauka Cooper.  I anapuni ia mauka o alanui Beritania, makai o ke kai, ma ka Hikina o alanui Nuuanu, Komohana o ke awa a me ka muliwai.

APANA. 6.  Kauka Wood.  Anapuniia mauka o alanui Beritania' maikai o ke ae-kai, ma ka Hikina o alanui Alakea, ma ke Komohana o alanui Nuuanu.

APANA. 7.  Kauka Howard.  O kela wahi a pau e waiho la mawaena o alanui Beritania a me ke kai a ma ka Hikina aku o alanui Alakea.

APANA. 8.  Kauka Kamika.  E waiho la mauka o alanui Beritania, a ma ka Hikina o alanui Kinau a me Alapai.

APANA. 9.  Kauka Day.  E waiho la mawaena o alanui Kula a me Kauka, a mawaena o alanui Liliha a me Puowaina.

APANA. 10.  Kauka Maunakea.  Ke Awawa holookoa o Nuuanu, mauka o alanui Kauka.

            O na mahelehele keia a ka Papa Ola, a o na Kauka keia e kokua nei i ka Papa, a ua hiki ke kahea @@@ i ka poe @@@ ooni@ ua ma'i kolela.

            Eia ka inoa o na kanaka Hawaii i haawi i ko lakou kokua i ka Papa, a ua hoonohoia e nana, e ao, a e kokua i ka poe Hawaii.

Wm. Auld.      Kapalama.

David Kawananakoa. Waikiki.

A. Fera@nder.            Kalihi.

E. H. Wodehouse.       Kukuluaeo.

L. J. Holt.        Kalihi.

G. R. Carter.   Nuuanu.

Luther Wilcox.            Kalihi.

H. Neiper.       Kapalama.

A. K. Palekaluhi.         Kauluwela.

J. H@'u.          Pauoa.

Sophia Sheldon.          Iwilei.

St. Louis College.       Kamanuwai.

David Dayton.            Alanui Liliha.

Robert Boyd.  Auwaiolimu.

C. B. Wilson.  Makai o ka Haukipila.

E. K. Lilikalani.           @onokaupu.

H. Swinton.     Puowaina.

Mrs. Arnold.   Makiki.

G. Long.          Manoa.

J. Heleluhi.      Waikiki.

J. K@a.           Kamoiliili.

D. W. Pua.      Koiuiu.

R. H. Baker.    Kehehuna.

E. H. Naoho.   Palolo.

 

NA LUNA NANA A HAAWI PALAPALA KOKUA AI.

            1. James A Low, makai o Alanui Moi mai ke Alakaahao a ke kai, a ka muliwai Nuuanu.

            2  T A Lloyd, ma ka hikina o Kula Kamehameha, mauka o alanui moi, ma komohana o alanui Liliha.

            3  Hoahanau Francis, mauka o alanui moi, ma ke komehana o ka muliwai Nuuanu, mauka o alanui Betera komohana o alanui Nuuanu makai o alanui kula kahi o alanui Liliha.

            4  Henry Smith, alanui Nuuanu mauka o alanui Beretania, komohana alanui Alapai komohana alanui Emina, a makai alanui kula.

            5  H. Holmes, hikina alanui Nuuanu, makai o alanui Beretania a ma ke komohana o alanui Alakea a ke kei.

            7  J H Fisher, mawaena o alanui Beretania, Moiwahine, Alakea a ka iho ana o Puowaina.

            8  C. B. Wilson, makai o alanui moi a ke kai, a mawaena o Alakea a ka iho ana o Pawaa.

            9  F J Lowrey, mai alanui Puowaina a ke alanui o Waikiki a makai o alanui Beretania.

            10  H E Cooper, makai o Beretania mai ke alanui Waikiki mai, e komo ana o Waikiki a me Kamoiliili.

            11  Wm. Auld, Waialae mai uka a kai.

            12  Antone Perry, Palolo.

            13  Walter Dilinahama, Manoa, mauka o alanui Beritania, a hikina o Punahou.

            14  George P. Kakela, mauka o alanui Beritania, Makiki a hiki i Alapai

            15  D. L. Naone  Awawa o Pauoa mauka o alanui Kula me Puowaina.

            16.  George Carter, Awawa o Nuuanu mauka o Pauoa me alanui Judd.

            17.  C. B. Ripley, mauka o alanui Kula, makai o alanui Judd, hikina o Liliha komohana o ka puu o Puowaina.

            18.  A. Fernander, Kalihi.

            19.  Wm. Mutch, Moanalua.

            20.  Jos. Marseden, Nuuanu, a hiki i Puowaina.  Ma alanui Kula a alanui Pauoa.

            O keia aela na inoa o na Luna nana a haawi ana hoi ina kokua i ka poe i pilikia a nele i ka ai a me ka i'a, a ua hiki i kela a me keia ke hoike aku i ko lakou mau pilikia, a na lakou e haawi mai i na likiki no ka loaa ana o ka mea ai.

 

            Ua hoouna aku na Pukiki i ka lakou mau keiki me na ie na tini a me na laulau, e hele no ka hale hapai ma Hawaii, e hoopiha mai i mea ai na lakou.  Ua hoole ia mai ka makemake o ua poe keiki la, a hoi nele aku la i ko lakoku mau home.  Pehea la hoi i pilikia a keia lahui, oiai, nui ana na hana a pau ke haawi ia nei ia lakou.