Ka Oiaio, Volume I, Number 7, 10 January 1896 — Page 1
| This text was transcribed by: | Shelley Wahle |
| This work is dedicated to: | Awaiaulu |
Ka Oiaio/Ka Oiaio Puka La..
Ke
ALAIOKARISTOLA
Hakuia e Mrs, E.G. White.
He laula na kauoha a ke Akua: iloko o na huaolelo uuku ua hoike ia na mea a paua ke kanaka e hanaai. O keia mau olelo ua pau i ka uhakiia e kanaka, a ma ia nana lawehala ana, ua poino loa ke kanaka; no ka mea ua lili iho hoi oia he enemi no ke Akua, a he mea i hiki ole e hana
i kekahi mea maikai: “O na manao ma ke kino he mea kue ia i ke Akua, aole ia i malama i ke kanawai o ke Akua, a aoleloa no hoi e hiki”. Rom: 8:7, I na e nana ana ke kanank ma ke anini o ka hoopono, oia ke kanawai hemolele o ke Akua, e ike ana no ia iho he lawehala, a ua maopopo ia ia knoa ano hewa, a me kona hopena popilikia malalo o ka hoopai pololei a ke kanawai. Aole nae oia i haaleleia ilokoo na lumia ana a na popilikia o ka hana hewa, no ka mea ua haawi ai hoi ke Mea Hemolele, ke mea i like me ke Akua, i kona ola i mol@@ia ma Kalivari.
“Ua aloha niu mai ke Akua i ko ke ao n,e nolalila, ua haawi mai ola i Kana Keiki Hiwahiwa, i ole e make ke mea manaoio ia ia, aka i loaa ia ia ke ola mau loa”. Ionae 3:16
O Iesu ke mea kelakela ma ka lani, ka Alihikaua aloha nui a na anela, ke poe eleu e hooko i kona makemake.
He hookahi oia me ke Akua, ma ka poli hoi o kona Makua; aka, aole nae oia i manao he mea hewa ke kau nui e like me ke Akua oiai ke kanaka ua haule iloko o ka hewa a me ka poino. Ua iho mai oia mai kona nohoalii, ua haalele oia i kona kalaunu a me kona kookoo alii, a na hoaahu i kona ano Akua me ko ke kanaka ano. Ua hoohaahaa ia ia iho a i ka make ana ma ke kea, i mea i hapai ia ai kanaka a noho pu me ia ma kona nohoanaalii. Ma ona la ua loaa ia kakou he mohai kina ole a waiwai loa, he Hoola ikaika, ‘he mea hoopakele i ka poe a pau i hele aku i ke Akua ma o na la a mau loa aku. Ma ke aloha oia i hele mai ai e hoike mai i ka Makua, e hoolaulea i ke kanaka i ke Akua, e hoohanau hou ia ia, i hoi hou ai oia a ku me ke ano o ka mea nana oia i hookumu.
O Iesu hoi ko kakou mohai kalahala. Aole loa e hiki ia kakou ke mohai no kakou iho; aka ma ka manaoio kakou e lawe ai i ka mohai-kalahala i haawi ia mai no kakou. “No ka mea ua make no hoi o Karisto no ka hewa, ka mea pono no ka mea pono ole, i alakai ai oia ia kkaou i ke Akua”. 1 Pet. 3:18. “Aole me na mea popo wale e like me ke dala a me ke gula. ...aka me ke koko waiwai io o Karisto, me ko ke Keiki hipa kin a ole a me ka hala ole”. 1 Pet. 18:19.
Aole i hiki i kekahi kanaka o ka honua nei, aole hoi i kekahi anela o ka lani, ke hookaa i ka hoopai no ka he wa. O Iesu wale no ka mea hookai i hiki ke hoola ika poe kipi. Ma one la i huiia ai ke ano Akua a me ke ano kanaka, a oia ka mea i waiwai ai ka mohai ma ke kea o Kalivari. Ma ke kea, ua halawai pu ke aloha me ka oiaio ua honi hoi ka pono a me ka malu. I ka mea hana hewa a nana ai’i ka Hoola e make ana ma ke kea o Kalivari a hoomaupopo iho oia he akua ke ano o ka Mea i maewaewa ia, e ninau ana oia heaha la ke kumu o keia mohai kiekie; a e kuhikuhi ana hoi ke kea i ke kanawai Hemolele o ke Akua, ka mea i uhakiia.. He hoke hiki ole ke pane, ia ko Karisto make ana i ka loli ole a me ka pono o ke kanawai.
Ma kana wanana no Karisto, ua olelo mai o Isaia. “E hoohanohano no oia i kona kanawai, a e hoonaeni hoi ia mea.” Isa 42:21. Aole hoi he mana o ke kanawai e kala i ka mea hana hewa. O ka ke kanawai hana, o ka hoike ae i na kina, i hoomaopopo ai ke kanaka i kona pilikia i kekahi Mea i lawa i ka mana e hoopakele, i ike i kona pilikia i panihakahaka e ku mai nona, i hope hoi i mea hana pono nona. Ua lawa hoi ia Iesu na hemahema o ka mea i hewa; no ka mea ua lawe oia maluna iho ona i na hewa o ka poe hana hewa. “Ua hoano oia no ko kakou mau hewa; ua paopao ia hoi no ko kakou mau hala; maluna ona ka hoopai ana e malu ai kakou ma kona mau palapu ua hoola ia ae kakou”. Isa. 53:5. Ua hiki loa i ka Haku ke oki aku i ka lawehala, a luku aku ia ia ; aka ua koho oia i ka mea oi aku o ke kumukuai.
Iloko o kona aloha kelakela uahoomakaukauoia i ka manaolana no ka mea manaolana ole, e haawi ana hoi i kaua Keiki Hanaukahi e auamo i na hewa o ke ao nei. A oiai ua ninini mai oia i ka lani holookoa ma ia makana kelakela, aole hoi oia e aua ana i na kokua kupono a pau mai ke kanaka i mea nona e lalau ai i ke kiaha o ke ola ana, a lilo hoi he keiki na ke Akua, a he hoa hooilina pu me Iesu Karisto.
Ua hele mai o Karisto e hoike mai i ke aloha o ke Akua i ko keao nei, e ko aku i ka naau o na kanaka a pau i ona la.
Olelo mai oia: I na au e hapaiia mai ka honua ae, e ko auanei au i na kanaka a pau io’u nei. Ioane 12:32. O ka mea mua e ola ai, oia ka ae ana i ke aloha kauo o Karisto. Ke hoouna nei ke Akua i kona leo kahea i kanaka e koi ikaika ana ia lakou e mihi, i hiki oia ke kala mai, a kau iho mahope o kona inoa ua kala ia. Aole anei he mea pono e mihi?
E hoole ia anei kona leo kahea e hoolohe ole ia a nei kona aloha, a e kapaeia kona lokomaikai? Pela hoi ke kanaka e oki aku ai ia ia mai ka mea ma ona la e loaa ai i ua kanaka la ke ola mau loa. Ma ke hoike ana o ke Akua i kona aloha, ma ka poloai ikaika ika ana a kona Uhane Hemolele, ua koi ikaika ia ke kanaka e mihi; no ka mea mai ke Akua ma na haawina o ka mihi, a o ka mea hoi ana e kala ai ua haawi mua ia aku ka naau mihi.
Ua hiki aku hoi i ke kanaka ka hauoli nui mamuli o kona mihi oiaio ana i ke Akua no ka hahakiia ana o kona Kanawai, a ma o ka manaoio hoi ma o Karisto ka Hoola a me ka Uwae o ka mea hana hewa. Ua ko aku o Karisto i na kanaka ma kona aloha nui i hoike mai ai ia lakou, i mea e maopopo ai i ka hauoli o ke kalaia ana a me ka malu o ke Akua. Ina e ae hoi ka kanaka i kona kauo ana aku ia lakou i ona la, a e haawi aku i ko laken naau i kona lokomaikai, e alakai oia ia lakou imua ma ne hele ana a ke kanaka, i ike maopopo ai lakou o Iesu no ke ola mau loa.
Ua lawa ka barena a ka Makua a oi aku. E ala, a e hoi ia kou Makua. E halawai oia me ka mea mamao loa akuhe oiaio mai no ka Akua a he lokomaikai i ke kala mai i ko kakou hewa.” (1 Ioane 1.9) Eia wale no ke kumu o ka holoi ole ia o ko kakou hewa, oia hoi, ko kakou hoike ole aku i ko kakou hewa ia ia aia a ike oia ia Iesu ma ke kea e make ana i ka make maewaewa weliweli; alaila oia e ike iho ae i ko ke Akua hoopailua i ka hewa, a me ke ana palena ole o kona alhoa i kanaka hana hewa, a ma ia kumu e alakae ia ai i ha nihi i ke Akua. Ua @@@@@@ @@@ @@ Karisto, no ka mea, ua lilo ka Hoola ano-akua i panihakahala nona, i panai a i kokua, a ke kikowaena o kona manaolana no ke ola mau loa. I ka lawehala mihi e hoike ae ke Akua i knoa lokomaikai a me kona oiaio, a o haawi aku i ke kala a ana a me ke aloha.
Aele nae e ae ana o Satana i ke kahi uhane e pakele mai ka pio ana i ka hewa, i na he hiki ia ia ke pakele aku.
Oiai ua ni@@@@ mai ka lani holookoa i ka haawina waiwai, no ka mea i ko ke Akua haawi ana i kana Keiki, o ka oi loa ia o na l@@awina lani, aia hoi ma ko kakou noi ana i na waiwai o ka @@@@, ke hoike nei ka enemi i ka uhane mihi me he mea la he paakiki ke Akua, maliu ole, aole e makemake ana e kala aku i ka lawehala.
I na manawa kaewale ua hiki mai ia/u na palapala mai na mea i poho ka manao no ko lakou mau hewa. Ua kakau mai penoi.” Ke manao nei au aole kokua i koe no’u. He manaolana anei i koe no’u?” Eia ka olelo i keia poe pilikia, “E manaolana i ke Akua.
Ua lawa ka berena a ka Makua a koe aku. E ala a e hoi i kou Makua. E halawai oia me oukou ma kahi mamao loa aku. E haawi mai oia i kona aloha a me ka lokomaikai.”
Aia a komo mai ka enemi, me he wai kahe la, a imi aku hoi e hoopoho ia oukou me ka niu o ko oukou mau hewa, e olelo aku hoi ia ia: “ua ike no au he lawehala au. Ina aole, aole hiki ia’u ke hele i o Iesu la; no ka mea, ke olelo nei oia, ‘ua hele mai nei au e ao aku i ka poe hewa e mihi, aole ia ka poe pono. A no ka mea he mea hewa au, nolaila he kuleana kou e hele io Karisto la. He hewa a he paumaele au; aka ua hoohaahaaia oia a ua make, a ua kau kuu hewa maluna ona. Ke hele mai nei au, ke manaoio nei, ke lalau aku nei i ka olelo hoopomaikai. ‘I ole e make ka mea manaoio ia ia, aka, e loaa ia ia ke ola mau loa.” (Aole i pau.)