Ka Oiaio, Volume I, Number 29, 11 February 1896 — Page 3

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA HOOMANA KARISTIANO NAAUAO

 

KO IESU EKALESIA MA KE AO NEI, AUHEA LA IA?  HAINA – OIA NO KA EKALESIA O KA HOOMANA KARISTIANO NAAUAO.

 

BAPETIZO

MOKUNA VI.

 

Poha ka Olino o ka Bapetizona – Ka Meahuna

Pohihihi o ka Euanelio – Ke Ki o ke

Aupuni Hiwahiwa.

MAHELE II.

Anuu Ekolu. PONI ANA I KA UHANE HEMOLELE.

 

            6 – No ia mea, e kaukolo pu aku ai na Uhane Hoano ‘la i loko o ka PO [LUA], e kiai ana i ke kino o Iesu a e hoolono me ka uiha ole no ka hoea mai o ke kauoha mai ka Makua mai.  A hoea mai la ke kauoha, alaila wawahi a e la ua Uhane Hemolele ‘la i na pou, na kaola me na aaho o ka Lua-Po e umii ana i ke kino o Iesu no ka popopo me ka palahu: Auhea ka hoi ka wai?  Ka!  Ua pio ia Make me Lua-Po.  Mee ka palupalu me ka mana ole!

            7 – O ka Uhane ke poo oiai lakou e nonoho like ana i loko o ka Lua; a pela ka Mesia i puai mai ai me ka lamalama hiwa nui a heehi ihola i na kae o ka Lua-Po, a pane a e la me ka haanou mauloa “E ka Lua, auhea kou kaena Kahiko?  E ka Make, auhea kou awahia?”

            A laila ko ihola kela olelo “O ka mohai me ka alana, o kau ia i hookae ai; aka he kino Hou nae kai hoana-e ia no’u.”  Hal. 40:6, 7, 8.

            8 – A, oiai hoi, ua ike io kakou ua ala mai o Iesu he kino Hou, he Caletiela; a o ke kino Talesateriala noi, ua onouia aku la i ka Lua-Po no ka wa mauloa: a, nokamea o kona pili hanauna ia mai ke Kumulipo mai: he uhane Mua no ko kakou, aka ua lanakila mau mai na kanawai o ke kino e ko ana ia kakou i pio na ka hewa me ka hiki ole ke kuokoa: a ua hiki ole a hemolele ole.

            9 – A, no ia hiki ole, alaila e bapetizo ia kakou i ka uhane ma ka inoa o ka Makua, ke Keiki me ka Uhane Hemolele, a ma keia anuu ka ouli o na haipule o ka wa Kahiko mai ia Abela mai: E huli 1 Petr. 3:21.

            Anuu Eha, BAPETIZO KOKO.

            Inea e u loihi ana me ka pauaho ole a hook@ me ka Luakupapau; o ia ke ahi o ka

Uhane Hemolele

            Elua moo a eha mana o keia anuu.

E ia iho: -

            1          Uhaki Kanawai.

            2.         Inea.

E ia iho na mana: -

            1.         Manalo ka Loina Kumuhonua.

            2.         Lapuale aiole he Anoole.

            3.         Maretire.

            4.         Hoomaretire.

Manao pili laula: - Ua manao kakahi loea huli baibala o ke Ao Nei, o ka helu “hiku”; aole ia i komo a i loaa i na lahui e ae: aole pela; ua loaa no ia i ka lahui Hawaii Nei.  Aole i hoakeaia no ka neinei o ka malama; aka mahope aku.

            Aole i pau –

 

Hape Nuia! Hape Nui!

 

HAUOLI MAKAHIKI HOU!

 

Oiai ke Onene kaua mai la na aup@ui Mana Nui o ke ao, i maopopo ole ai ka wa e nu mai ai o ke kaua maoli ana, a ma ia kumu hoi e pu ino ai ke kumukuai o na mea kuai, i keia makahiki hou, ma ke ano hoolaha, ke poloai aku nei au i na MAKAMAKA HAWAII e hele koke mai ano, ma ko’u halekuai.

            E hoalawa koke i ko oukou makemake.

 

– : MA KA HALEKUAI O : –

 

L. B. KERR,

 

– ma –

 

NAE O KA HALEKUAI O MOGAN

 

Alanui moiwahine,     Honolulu, H., I.

 

            E hoopiha mau ana a u i ko’u halekuai mai na @a@ Bole pololoi mai o Enelani, Geremania; Amerika, a me na Aina o Europa a mai Kina a me Iapana, a @ au uku a ko’u hoa kuai kukaa a me kuai liilii.

 

            E loaa no na Lole Huluhulu nani o na ano a pana Lole Halua na Makelena a me na lihilihi Lole.

            Na Lipine ano hou loa.  Papale Wahine, Kano a me na Kamalii o ke ano paikini hou o na ano a pau.

            Na Kihei halii moe-laula, no Kawele Auau, na Pua Papale a me na Hulu.  Na Lole, Kani i humuhumu oleia, he oluolu loa ke Kumukuai.

            E hele mai e nana i ka makou mau WAIWAI o na ano a pau a e ninau hoi i na kumukuai nana e hookahaha i kou noonoo i ka @mi maoli o na ano waiwai like ole.

            He mau WAIWAI HOU LOA ma na KUMUKUAI HAAHAA.

            E hemo ana ka puka o ko’u Halekuai ma na Ahiahi Poaono.

 

L. B. Kerr,

ALANUI MOIWAHINE.

 

            Waikiki iho o ka Hale Kudalo o Mogan.

 

Na Lole : :

            : : Kohukohu!

 

Oia hoi ka mea a na lede a pau e ake ana e loaa a he meahiki wale no ke hookoia.

 

E HELE MAI OUKOU ILOKO O KOU HALEKUAI A E HANA AKU AU IKA KA MEA KUPONO I KO OUKOU

 

MAKEMAKE.

 

Ua loaa mai nei ia’u kekahi ano piha o na

 

LOLE AAHU HOU LOA.

 

Crepo@, (he like me kanikau)

            Na Lole Farani,

            Na Lole Ulana Waihooluu Like Ole

            Na Lole Awiliwili Lopi Silika me Hulu hulu.

 

Na Lole Alabatosa,

            Na Lole Casa@ia a me Huluhulu

            Na Lole Hulu Kao Lama

            Na Makalena

 

            Na Lole Diminite

            Na Lole Pongi,

            Na Lole Satina

 

            Na Pe@rsucker,

            Na Rliss,

            Na @ole Ahuunuu Crepe

 

Na Keokeo Manoanoa o na ano a pau, etc, etc.

 

            Aia no hoi ma ko’u Halekua! Ka

 

LOLE FIBRE FABRICA.

 

He mea i oi aku ka maikai i ko ka LOLE NAAU HULU.

 

            Aole no oi kahiko piha ke ole i hoi loaa ia oe kekahi o kuu

 

PALEKOKI KOHU MAMALU.

 

A e halo iho hoi i ke Kaliki (Trilby) ano hou, i kupono i kau e iini nui nei.

 

Aia hoi ma ko’u halekuai na Lole Moepoli i ka hikonoeau ia a kupono o ka hana ana iho ni Adamu.

 

Na Pale @ o na kane i kupono hoi i ko Eva makemake i huki ai ka Ulua i Malamanui.  Uwese oe.

 

Na Kaliki o na ano maikai loa, i hiki ke hoopuanikiia ka poe aluhee, na kakini kupono no ka poe paiho a me ka poe pauhananuu o na a-u, na mikinalima na hainaka, a pela aku

 

E hauoli loa au e hoomakaikai aku i keia mau mea nani i na Lede o Honolul.

 

J. J. E@an.

 

Alanui Papa Mei. 21, 1895.    @ 12 t@