Ka Oiaio, Volume I, Number 58, 23 March 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA OIAIO PUKA LA.

 

JOHN E. BUSH, Luna Hooponopono a me Puuku

HONOLULU.  :  :  MARAKI 23, 1896

 

HE OIAIO NO.

 

  Me he la i ka wa a ke Kahunapule Nua i haiolelo ai ma Kawaiahao i ka ponei, na makemake ole ia kana mau olelo e hoike ana i ka oi aku o ka ohohie ia o na ekalesia Katolika mamua o ke Kalavina. Ina he oiaio keia kumu, a na oiaio ka hoike a Mr. Nua he mea pono no ka hoike ia ana o ka mea oiaio  O ka ike o ka ekalesia Kalavina i keia hoowahawaha ia ana ona, a me ka hilinai ia o na makuahine, he mea no ia e hoomaopopo ai i kona kulana, a e waele ai i n@ kumu hewa, ina aia ma kona aoao ka hewa. Aole no hoi e manaoia o ka mahalo ana i na ekalesia e aku, he mea hewa ia ina ua kapono ka mahalo ana. He mea pomaikai ka ike ana iho o kekahi i kona hemahema a hoopololei ae. Pela paha ko Mr Nua manao, i ike ka ekalesia iaia iho a hoopololei i kona mau aoao. Aole keia he mea hewa, aka, he mea e ola ai ka ekalesia. Nolaila, e kuu ia ae ka oiaio i ke akea a e hoohilahila ia na hana kue i ka pono. Aka, o keia mau mea a pau aole e waiwai ke ole e hoolaha ia me ka manao maikai a mamuli o ke aloha.

 

KA BAIBALA.

 

.Aole paha he buke kamahao e like me keia ma ke ao nei. Ua pai ia hoi oia ma na olele aneane pau o ke ao nei, a me he mea la na ao ia hoi kana mau kuhikuhi ana i ke ao a pau, "i hoike," wahi a na buke la, i kela a me keia mea, he hiki mai ka la a ke Akua e hookolokolo ai i ka lahuikanaka. Aole hoi he buke naauao e ae e like me ka baibala; ina he lawa i ke kanaka ka ike, e ike no oia aia nialaila na ao kumu a pau e pili ana i ko keia noho ana a me ko ke Akua noho ana. Aka, aole paha he buke hoowahawaha ia o na olelo e ka hapanui o ke ao e like me keia buke. He mea ole kona naanao a me kona nani; he mea ole kana mau alakai ana e mama a e oluolu ai ka noho ana o ke kanaka ma keia ao, a he ole no hoi kana mau kuhikuhi i ke alanui o ke ola mau loa.

  Pela makou e hoomaopopo nei i keia mau la, ma ka hoike ana mai a ka poe heluhelu nupepa e i mai ana, o na kaao hoopunipuni ka lakou makemake. Ma keia mau hiona makou e hoomaopopo ai i ka hoino a me ke kumu o ka hoowahawaha nui ia o Karisto a me na haumana mahope mai ona a keia la, e ao ana i ka olelo hemolele. He wa nae kekahi e hiki mai ana e ake nui ai ko ke ao e ike i ka olelo o ka buke a ke Akua, aole nae e loaa ia lakou.

 

KELA ME KELA.

 

  I keia Poaono ae e ku mai ai ka mokuahi Belgie.

  I keia ahiahi e paikau ai ka puali ekahi ma ke Kuea.

  He mau kulupaka na kai haule iho i keia kakahiaka.

  Ma ka auina la onehinei i holo aku ai ke kuna Maile Morris no na Kooalu.

  Na Ke Au Hou e hoopiha nei ka moku Kenilworth i ke kopaa i keia mau la.

  He paani kinipopo ke malama ia ana i keia makahiki ma ke kahua kinipopo

  Aia ke ehuehu o ka ua kukalahale ke Colonelo G F Little.

  Jim a me Mahuka kai hopu ia ae ma ka auina la onehinei no ke kuai bia.

  Eia na keiki hoehoe waapa ke hooikaika mau nei i ka lakou mau mapunahoe.

  Ua hoolele ia ae ka hapanui o na eke kopaa a ke Claudine ma ka uapo o ka Oceanic.

  Ua hopu ia ae kekahi poe paani cifa ma Kawaiahao ma ka auina la onehinei  Mai hoomau aku!

  E holo ana ka Ilamuku Brown no Hawaii e luakaha ai no ekolu pule ma ke Kinau o keia auina la.

  Eia ma Kalihi e hoomaamaa ia nei na lio o ka Puali Hana Keaka.

  Mai poina e na hoa'loha i ke kipa ana ae ma ka halekuai o N  S. Sach.

  Ua huli hoi mai ke keiki 'lii Kawananakoa mai kana huakai kaahele aku nei no Hawaii

  Ua holo malu mai la kekahi sela mailuna mai o ka mokukaua Adam ma ke ahiahi nei.

  E holo aku ana ka moku S. S. Funk no Kahului e hoopiha ko ai no ka hauoki o Kapalakiko.

  O H. J. Lyman, E. J. Weight  C. von Hamm a me Harry Gohan, kekahi o na ohua i huli hoi mai ma ke Kinau

  He paina kai malaina ia ma keia ahiahi nei e Miss Blanche Cornwell ma ka hale noho o Cronwell.

  E huli hoi aku ana o Mr. a me Mrs. Rudolph Spreckel a me Miss Joliffe ma ke Claudine no ka lai o Makawao.

  Na Rev. Garvin e wehe ana ke anaina haipule e malama ia ana ma ke Kula o Kamehameha ma ka hora 11 a m. o keia kakahiaka.

  I ka hora 10 o keia kakahiaka e holo aku ai ke Kinau no kona mau awa maa mau no Maui a me Hawaii.

  Ua hala aku la ma kela aoao o ka muliwai eleele o William James Smith, iloko hoi o 57 makahiki a me 7 mahina o kona ola ana ma keia ao.

  Eia na haumana o ke kula Kamehemeha ke hoomaamaa nei i ka himeni ana no keia mahina ae, no ka pomaikai o ka lakou mau mea lealea.

 

L. B. KERR,

--- ma ---

NAE O KA HALEKUAI O MOGAN.

Alanui Moiwahine.   :   :   :   :   Honolulu H., I.

 

KE KALEPA POLOLEI MAI NA HALE HANA

MAI

 

  E kuai ana i kekahi mea okoa a e kuai ai ma ka ma a ke kuku-kuai kukaa.

 

  He kupono i na lede e hele mai e nana mua maanei i ko makou puu waiwai nui mamua o ke kua

O KA HOOKAHI DALA I KUAI IA MA KAHI

O L. B. KERR UA LIKE IA ME ELUA

MA NA HALEKUAI E AE.

 

OIA HOI, UA LOAA IA OE NA LOLE

nona ke kumukuai Elua Dala HOOKAHI DALA

WALE NO.

         NA PAPALE,

              Na Lipine

                  Na Pua Papale

                       Na Hulu

          Na Lahilihi.

              Na Mikinilima

                   Na Lole

                       Na Paku

                           Na Keokeo Uhi-moe

                               Na Kihei Huluhulu

ECT    ECT.

L. B. Kerr,

                    ALANUII MOIWAHINE

Waikiki   iho   o   ka Hale Kudala o Mogan