Ka Oiaio, Volume I, Number 110, 2 June 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

BUKE I.   HONOLULU, IUNE 2, 1896   HELU 110

 

OIAIO PUKA LA

 

O KE KUPAA I KE KA AWAI HE

KUPAA AKUA IA.

            “O ka mea i hoohanuia mai e ke Akua aole ia e hana hewa; no ka mea ke noho mau nei kona hua iloho ona: aole e hiki ia ia ke hana kewa aku, no ka mea ua hoohanauia mai no ia e ke Akua.”  I Ioane 3:9.  O ke ana e hoao ia ai na olelo ao hoomana a pau, na mano ae no ke Akua, no hoomana ana a pau, oia no ke KANAWAI o ke Akua.  “O ka mea i hoohanauia mai e ke Akua aole ia e hana hewa,” – hakaki ole hoi i ke kanawai o Iehova.  Ina kekahi kanaka i hoohanauia mai e ke Akua e malama maikai ana oia i na kumu o ka hooponopono ana a ke Akua, a aole no hoi ia mea e kue ana, me kona ike no, i ke kanawai o ke Akua, ma ka manao, ma ka olelo, a ma ka hana ana.  “Ua hana hou ia mai oukou aole hoi na ke hua maikai ole, aka na ka hua maikai, ma ka olelo a ke Akua, ka mea ola a noho mai loa.” 1 Pet. 1:23.  “No kona makemake iho i hoohanau mai ai oia ia kakou ma ka olelo oiaio, i lilo ae kakou i mau hua mua o ka poe ana i hanai ai.”  Iakobo 1:18.  Ua pule aku hoi o Iesu e hoolaa ia kana mau kaumana ma ka oiaio, a pakui iho la oia, “O kau olelo ka oiaio.”  Ioane 17:17. 

            Ua hookoia hoi ka hanau hou ana ma ka hookipa paa ia ana o ka olelo a ke Akua; aka hoi, o ka poe e hoohaahaa ana i ka olelo a ke Akua, ka poe e hooili ana i na hoino malunma o ke kanawai o Iehova, ua hookomo ia lakou malalo o ke alakai a ke Alii o ka Pouli.  Ua hoomaka hoi o Satana e kipi maloko o ka lani ma ke kue ana i ke kumukanawai o ke aupuni o ke Akua; ao  keia iho la ke ano o kana hana ana i hoohana mau ai mai ka haule ana o ke kanaka i kinohi.  Mamuli o na lawelawe ana a ka poe manao hewa ua hoao oia e hoolilo i mea ole ka Mea Kiekie Loa.  “* * No keia mea i hoikea mai ai ke Keiki a ke Akua, i kinai ai oia i na hana a ke diabolo.”  1 Ioane 3:8.

            Ua hoomaikai a hooia ae o Karisto i ke kanawai o ke Akua, a olelo ahea ae hoi aia maluna o na kahu kumu o na kauoha he umi i hookahua ia ai ke kanawai a me ka na kaula.  Mat. 22:36 – 40.  O ka poe e hoike ana i na hoomaikai ole i ke kanawai o Iehova, ua hoike maopopo hoi aole lakou i hanau hou ia, a aole he noho pu o ka oiaio iloko o lakou.  “Ina e olelo kakoa aole o kakou hewa, ua kuhihewa kakou, aole he oiaio iloko o kakou.”  1 Ioane 1:8.

            Ua kupono e heluhelu ia ke ano o keia olelo me kela e olelo ana: ina e hanau ia no ke Akua, aole kakou e hana hewa ana, no ka mea, “Ina kakou e hai aku i ko kakou hewa, he oiaio mai no ke Akua a he lokomaikai e kala i ko kakou hewa ai i ka hoomaemae mai ia kakou mai na mea pono ole a pau.  Ina kakou e olelo aole kakou i hana hewa, na hoolilo kakou iaia i mea wahahee, aole hoi kana olelo iloko o kakou.”  1 Ioane 1:9, 10.  “Eia ka mea e maopopo ai ia kakou ko kakou ike ana ia ia, ina e malama aku ana kakou i kona mau kauoha.  O ka mea e olelo ana ua ike no au iaia a malama ole oia i kana mau kauoha he mea wahahee ia, aole he oiaio iloko ona.  Aka, o ka e mea malama ana i kana olelo na hemolele ke aloha o ke Akua iloko ona.  Ma ia mea kakou e ike ai eia no kakou iloko ona.”  1 Ioane 2:3, 4 5.  Ua olelo o Ioane “Aole he kanawai hou ka’u e palapala aku nei ia oukou, aka, o ke kanawai kahiko ka mea i loaa ia oukou mai kinohi mai: o ke kanawai kahiko, oia ka olelo a oukou i lohe ai mai kinohi mai.”  Pauku 7.  (E. G. W.)

 

HAAWINA HELUHELU BAIBALA

 

KA HOOKOLOKOLO

(Ka Hoopau ana.)

1. Nawai la e wehe ana ka la hookolokolo?  Dan. 7:9 hapa mua, a me 10.

            “Ike aku la au, a ua kauia iho la na noho alii, a ua noho mai la ka Makamua o na la.  * * * a puka mai la kekehi lapalapa ahi a kahe ae ma kona alo aku; lawelawe nona na tausani o na tausani; a ku iho la imua ona na lehulehu o na lehulehu; ua hoonohoia iho la ka hookolokolo a wehe ia ae la na buke.”

2. Owai la keia mau tausani e kokua ana i ka haku i keia la hookolokolo?  Hoik 5:11.

            “Nana aku la au, a lohe iho la i ka leo o na anela he nui wale, a me na mea ola, a me na luna hahiko e anaina ana ma ka nohoalii; he haneri miliona a me na tausani tausani.”

3. Owai ke hele mai ana a e lawe aku i ke aupuni nona, mai mua aku o ka Makamua o na la ia wa?  Dan 7:13, (heluhelu pauku 14.)

4. Heaha hoi i ka Karisto hana no ia wa imua o ka Makua a me na anela?  Hoike 3:5.

            “O ka mea lanakila e hoaahuia oia i ka aahu keokeo; aohe hoi au e holoi aku i kona inoa mailoko aku o ka buke o ke ola; aka, e hooiaio aku no au i kona inoa imua o ko’u Makua, a imua o kona poe anela.”

5. Mahea la e loaa aku ai ia Karisto kona aupuni?  Dan 7:14, hapa mua.

            “A ua haawiia mai nona ke alii ana, a me ka nani a me ke aupuni, i hookauwa nana na lahuikanaka, a me ko na aina, a me na olelo e.”

            (E heluhelu hoi kekahi i ka olelo nane a ka Haku Luka 19:12, 15, kahi hoi e hoike ana i kona hele ana mai ka honua aku e lawe ae i kona aupuni.)

6. I kona wa e hele mai ai i ka honua nei heaha la hona inoa alii?  Hoik 19:16.

            “A ma kona aahu a ma kona u-ha ua palapalaia ka inoa, KE ALII O NA LII, A ME KA HAKU O NA HAKU.”

7. Heaha la kona kumu e hele hou mai ai i ka honua nei?  Mat 16:27.

            “E hele mai no ke Keiki a ke kanaka iloko o ka nani o ka Makua me kona poe anela; alaila e uku aku ia i kela kanaka i keia kanaka e like me kana hana ana.”

8. Ihea aku la o Karisto e lawe aku ai i kona poe kanaka?  Ioane 14:1, 2, 3.

            “Mai hookumaha ko oukou naau: e manaoio oukou i ke Akua, e manaoio mai hoi ia’u.  Ma ka hale o ko’u Makua he nui loa na wahi e noho ai: ina aole pela ina ua hai aku au ia oukou.  Ke hele nei au e hoomakaukau i wahi no oukou; ina e hele au e hoomakaukau i wahi no oukou io’u la, i noho ai oukou kekahi ma ko’u wahi e noho ai.”

9. Iloko o ke tausani makahiki ma ka lani, heaha ka na haipule hana?  Hoik 20:4, hapa mua.

            “A ike aku la au i na noho alii, a noho lakou maluna iho, a ua haawiia na lakou e hoopai aku.”

10. Owai ke hookolokoloia e na haipule?  1 Kor 6:2, 3. (Dan 7:22)

            “Aole anei oukou e ike na ka poe haipule no e hookolokolo i ko ke ao nei?  A ma na oukou e hookolokolo i ko ke ao nei, aole anei e pono ia oukou na hookolokolo liilii loa.  AQole anei oukou i ike na kakou no e hookolokolo aku i na anela?  No keaha hoi ina aole i na mea o keia ola ana.”

11. I ka wa hea na haipule e hookolokolo ai i ko keia ao?  I Kor 4:5.

            “No ia mea, mai hoahewa e i kekahi mea a hiki mai ka Haku.”

11. Pehea la ka olelo hooholo o ka la hookolokolo e hookoia ai?  Hoik 19:15.

            “A puka mai la mailoko mai o kona waha he pahi kaua oi, i mea e hahau ai i ko na aina; a e hoomalu ai ia lakou me ke kookoo hao.  A nana no e hehi i ka lua uwaina o ka ukiuki o ka inaina o ke Akua.”

13. Pehea la e hoolahaia ai ka wehe’na o ka la hookolokolo?  E nana ia Hoik 14:6,7.   (E.H.G.)