Ka Oiaio, Volume I, Number 115, 9 June 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

BUKE I.                                                       HONOLULU, IUNE 9, 1896                                         HELU 115

OIAIO PUKA LA

HOOWALEWALEIA O KARISTO E LIKE ME KAKOU.

“Nolaila, ua pono oia e hoohalike loa ia me kona poe hoahanau, i lilo ai oia i kahunanui aloha, a me ka hoopono ma na mea no ke Akua, i hiki ai iaia ke hoomaikai no ka hewa o kanaka.  No ka mea, ua ehaeha oia no ka hoowalewaleia, ua hiki no iaia ke kokua i ka poe i hoowalewaleia mai.” Heb. 2:17, 18.         “No ka mea, aole ia kakou kekahi kahuna i aloha ole mai i ko kakou nawaliwali; aka o kekahi i hoowalewaleia aku i na mea a pau me kakou la i hoowalewaleia mai ai, aole hoi ona hewa.  Nolaila e hookokoke aku kakou ma ka nohoalii aloha me ka manaolana, i aloha ia mai kakou a i loaa hoi ka lokomaikaie kokua mai ai i ka wa popilikia.” Heb. 4:15, 16.    Ua hele mai o Karisto i keia ao nei, a ua hoaahu iho i kono ano akua me ke kino o ke kanaka, e lawe ana hoi i ko ke kanaka ano.  Ua hele mai oia e komo pu hoi iloko o ko kakou noho ana, e hele ma na ano a pau e like me Adamu ma kona kulana haulehia, e hoihoi hou mai i ka mea i haule iaia, e hui pu aku hoi a e hoopio aku i ka hoa e kne ana i ke Akua a me ke kanaka, a ma o kona lokomaikai e hiki ai ke lanakila, a ma ka ho@ e loaa ai iaia he wahi e noho pu ai me ka H@ku ma kona nohoalii nani.  Ua lawe hoi o Karisto i ke kahua o ka paio, a maluna hoi o keia wabi hunehue honua e hooko ia ai @a paio ma waena o Karisto, ke ‘Lii o ke ola, a me Satana, ke ‘lii o ka pouli.  Mamuli o ka hana hewa ana ua lilo hoi ke kanaka he keiki no ka hewa, he pio na Satana, ka enemi o ke Akua.  Ua hoikeike hoopunipuni hoi o Satana i ke ano o ke Akua, a o kanaka hoi i hana ia mahope o ko ke Akua ano, ua kanalua i ko ke Akua aloha, ua kanalua i kana olelo, a ua hoonahoa aku hoi nuha a kue aku a manaoio ole i ka makemake o ke Akua. Ua hele mai o Karisto a hoike mai i ke ano o kona Makua, e hoihoi hou aku i ke kanaka a kona noho ana malalo aku o ke Akua, e hoomaikai hon ia ia me ke Akua.  Ua hooholo oia e hui me ka enemi a e hooahuwale ae i kana mau hana, i hiki ai i ke hanaka ke wae i kona haku e noho aku ai e paahana.  O Lucifera ka inoa mua o Satana, ka paa lamalama, ka hoa hoi e noho pu ana iloko o ka nani o ke Akua iloko o ka lani, a mahope aku o Karisto ma ka mana a me ka nani.  Ma ka huaolelo a  ke kaula Ezekiela, ua oleloia hoi oia e ka Haku penei, “He apo lima maikai loa oe, piha i ke akamai a hemolele hoi i ka nani.”  Akaua hookahuli o Lucifera i ka nani a me ka mana i haawiia ia ia e ke Akua, a ua lilo kona malamalama i pouli.  I kona manawa i kipakuia ai mai ka lani mai mamuli o ke kipi ana, ua ua hoopaa oia e hoolilo i ke kanaka i luahi nana a o keia honua i aupuni nona.  Ua hooili aku oia i ka hewa o kona kipi ana maluna o Karisto, a mamuli o kona inaina hoomau i ke Akua ua hoao oia e hoelia aku i ke Akua ma ka hoohaule ana i ke kanaka i ka hewa.  Iloko o ka hauoli a me ka maluhia o Edena, ua ike aku hoi oia i ka mea nani i lilo no ka manawa mau loa mai a ia aku, a hooholo iho la oia e hoeueu iloko o ka naau o kanaka i ka awahia e like me ia iloko ona, a e hoolilo ai hoi i ka lakou mele o ka hoonani a me hoomaikai i mea hoino aku i ka Mea nana lakou i hana.           Oiai ua hoohana ke Akua i ke kanaka me na mea a pau nona e hauoli ai oia, a aole hoi i ike ka poe e noho ana ma Edena i ke ano o ka hewa, eia nae aole lakou i pale aku i na hana hoopunipuni a ke pookela o ka hoopunipuni, aka ua haule iho mai ko lakou noho pono ana, a hoopa iho la i ka awahia o ka hana hewa ana. Ua auhee hoi ka malu, ua haalele mai ka noho, na aloha; a ma kahi o ka noho like ana me ko ke Akua ano, ua ike iho la hei lakou i ko lakou hewa, i ko lakou hopohopo no ka mea e hiki mai ana, a na ike iho hoi i ko lakou hele elohelohe ana.  O keia iho la ka hopena kupono i ilihia maluna o ka poe e hahaki ana i ka ke Akua mau kanaka pono, o ka wawahi ana i kana mau kauoha; aka, ma ka “malama ana ia lakou ka pomaikai nui”  I a piha ka laui i ke kaumaha a ua hoo@i ia hoi ko Iesu naau me ke aloha no ka poe i lilo aku i ka make, kalahui kanaka i hoopoino ia.   Ua ike iho oia i ke kanaka e Inupoo ana iloko o na hana hewa a pau a me na ehaeha palena ole, a ua ike pu hoi oia aole he mana hoopono iloko o ke kanaka e lanakila ai, ma kona mana iho, maluna o ka mana moe ole o kona euemi.  Maloko o ke aloha a me ka minamina ua hele mai ka Mesia ma keia honua e kaua i ka kakou mau kaua no kakou iho; no ka mea oia hookahi wale no ka mea hiki ke hoopio i kona enemi.  Ua hele mai hoi oia e hoohui hou aku i ke kanaka me kona Akua, e hookomo iho i ka ikaika iloko o ka mea e mihi ana a mai ka rumi ai a ka holoholona a ke kau ia ana ma ke kea ma Kalavari, e hele hoi ma ke alnui a ke kananka e hele ai a ma na keehina a pan o keia alahele e hoike mai hoi i ke ana hemolele maona la o ka meapono a ke kanaka e hana ai, e hoike ana hoi imua o kakou i ka mea hiki i ke kanaka ke hana ke hoohui ia aku me ko ke Akua ano ma o Karisto la.            Aka, he lehulehu ka poe e olelo ana, aole o Iesu i  like me kakou, aole hoi oia i like me kakou e noho nei ma keia honua, he akua kona ano, a nolila, na hiki hoi ia ia ke lana kila aka aole hoi ia kakou.  Aole loa hoi he oiaio o keia olelo, no ka mea, “he mea oiaio loa aole oia i lawe ae i ke ano o na anela, aka ua lawe ne oia i ke ano o ka hua mai a Aberehama.  No ka mea ua ehaeha oia i ka hoowalewaleia, ua hiki hoi ia ia ke kokua i ka poe i hoowalewaleia mai.”  Ua ike hoi oia i ko ka mea hewa mau hoehaeha ia; ua ike oia i kona hoowalewaleia ia.  Ua lawe oia i ko kakou ano a pau.  Ua hoao ia hoi oia e like me ko kakou hoowalewaleia ana ma na ano a pau.  Ua kulu kona waimaka; ua piha oia i ke kaumaha a me ka ehaeha.  E like me ke kanaka peia oia i noho ai ma keia honua.  Ma ia kino oia i @ aku ai ma ka lani, a ma ia ano no hoi i lilo ai he panai no na kanaka pau.  Ma ia ano oia i ola ai i uwao no kakou; ma ia ano oia e hele hou mai ai iloko o kona nani a me kona mana a e lawe aku i ka poe i aloha ia ia, a ana hoi i hoomakauhau ai no lakou.  He mea kupono hoi ia kakou e hoomaikai aku i ke Akua i kona hoonoho ana mai he la e hookolokolo ia ai ke ao a pau e ka Kanaka ana i poni ai no ia hana. (Aole i pau).