Ka Oiaio, Volume I, Number 115, 9 June 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA OIAIO PUKA LA.

 

JOHN E BUSH, Luna Hooponopono a me Pauko

 

HONOLULU    ..................................JUNE 9, 1896

 

KU MAI KE COPTIC.

 

            O keia ka moku i haohao ia no kona hiki ole ana mai iloko o ua la maa mau no na mokuahi holo.  I ka Poalua nei nae, ua hoea mai la oia mai lapana mai.  Mamuli o ka mai mai la oia mai lapana mai.  Ma uli o ka mai ahulau ma Kina a me Lapana ua hoololohiia kona wa holo he ewalu la.  Ma kona holo ana mai nei a hiki ia nei nei, aole he mea nui i ike ia.

 

KA HOAILONA LIMA.

 

            Ma ua leta i hiki mai makuna o na moku holopiliania, ua pa'e mae ka leo o na kuaaina, e hoowahawaha ana i ke kau ia o na hoailona kuni o ke kanaka i ano like me ko na holoholona.  He mea oiaio no o keia hana kekahi o na hana i na holoholona, a i na kauwa kuapaa, aka, he mea hou kona ike ia ana e hana ia ana e ka poe nauaao i hoomalamalamaia e ka olelo a ke Akua.  Aole hoi he mea ha'oha'o ia ka hana ia ana o na hana @o keia ano e like me ia iwaena o na lahui pegana, aka, i ka manawa i hoohano ia ai e kahi aupuni i hookele ia e na kanaka i kapa ia lakou he poe Karistiano, ua lilo hoi keia hana ana he mea hoopahaohao i ka noonoo o ka poe manao maikai a i hoowahawaha hoi i ka hoihoi ia ana a ke kulana like me ko na bipi a me na lio, no ka hooko ana i kekahi kanawai i kouoia e hana no ka pono a me ka hoowaiwai ana i kekahi hapa uuku o ka lahui e noho ana ma kekahi aina.  Ua maopopo mua ia makou e hiki mai ana, a eia hoi me kakou i keia wa, na haua o keia ano, a e oi aku ana.  Nolaila, e moe ka uhane o ke kanaka, e kulou hoohaahaa aku i ka makemake o ke kanawai a na Media-Peresia, no ka mea o ke kanawai keia o kaaina, a he kanawai hoi i hoolala ia e ka poe i papahi ia lakou iho he lahui hohu - akua, ma ko lakou ike iho, a malia io paha na pololei io lakou, oiai aia o Mamena mahope o lakou.

 

            I ka la 8 o Iune nei i piha ai ke 64 o na makahiki o ke Kumuao o ke Kula Kahunapule ma Honolulu nei.  Oia mau ka maikai o ke ola kino o Mr. Hyde, a e hoomauia aku hoi ka moe ana o kona mau la iloko o ka malu a me ka lokomaikai o ke Akua ana e hoike nei.

            E malama ana na Keiki Misiona i ka lakou halawai makahiki ma ka Hale Y. M. C. A. i keia P@aono ha 13 o Iune.

 

NO NA AINA KAHIKO

 

NA KULANAKAUHALE NALOWALE A I LOAA HOU AKU.

 

MAHELE IL.

 

-----------OO------------

 

MOKUNA IV.

 

MORIA KA MAUNA OKA HALE O KE AKUA.

 

NA AINA MA KA BAIBALA

 

Kahi a Aberahama i mohai ai -- Ka Papa kehihehi hua papaoa a Arauna --Kahi i kukuluia ai ka Luakini o Solomona --Pohaku o ke Kumu--honua --Hoohiolo ia e na Roma--Koena o kahi Hoano--Luakini o Omar--Na Manao i kupu ae --Luakini ei Aska--Na Mookaao Mahomeda.

 

            Aole paha he mea i oi ae o ke kulana kelakela a me ka nani i kukuluia no ka hoomalu ana i kekahi ohuku pohaku paa, e like me keia, e piha i na hoomauao i ku i ka eehia i ka Indaio, ke Karistiano, a me ka Mahometa.  He oi loa aku ka maikai mamua o ka luakini a me ka puoa o Sana Sofia ma Constanatinopala, a o Sana Mareko hoi ma Vinica, aole hoi ona lua no ka hiehie a me ka eehia, a no ke ano e wale no o kona kulana kona kumu i kope nui ole ia ai; aka ma kona ano he ilini e hoomalu ana i ka "Pohaku o na Au a pau," ua hikikeike ia kona kupono a me kona ui, a i ka wa hoi a ka malamalama o ke kukuna la e pa iho ai maluna o na pohaku nani i hoonohonoho nihoniho ia, a i hooluu ia i ka wai gula, ma na ipuka aniani aku he kanpalima--kumamaono, me he la na ana panapa mai hoi lakou, a ua hoopuni ia o loko e ka weno ula o ke ahi me laahia o kahi i malama ia e ke kanaka maloko o keia "Luakini o ka Pohaku-paa."  He kohu hale pauahi ka lalapa a me ke anapanapa a na kukuna mai loko ae o keia Hale oiai ka la e papa pono iho ana maluna ona.  Ua kukulu ia hoi keia hale a uhi ia iho mawaho loa me na papa pohaku i hana ia e like me na pa--nani i hoomoa ia hoi me na ano wai hooluu i pena ia maluna o kona alo a me na pohaku mabala wai hooluu like ole; maloko hoi ma pohaku i okiia a hoonohonohoia me na apana pohaku e hoike ana i ka lau o na laau a me ke ano o a pua, e like me ko lakou ano maoli, a me na pauku olelo hoi mai ka buke Korana a na Mahometa ma na wahi a pau o ka paia o ka hale.  A o ka mea kamahai loa ma keia mau olelo a ka poe Mahometa i au ai ma na paia hale, aole he olelo no Daviba, no Solomona, ano Mahometa, ke kaula nui hoi o ko lakou hoomana, aka o ka inoa o "Iesu ke Keiki a Mala," ka i hoopaa ia he eha manawa.  He wanana anei keia e lilo aku ana keia luakini i kekahi la mahope aku, he luakini Karistiano?

            Ua kulike hoi ke anoano o keia luakini me ke ano eehie o kona kulana, no ka mea, maloko wale no o keia wahi ke Akua oiaio i hoomana ia ai no na au loihi!  I ka manawa o Eolene, e no@ o ike ole ana he Akua Ola mau ke kahi, a i ka wa hoi a Rome i "hoololi ai i ka" nani o ka Mea palaho ole iloko o ke kii i hana ia e like me kanaka palaho wale," e malama ana no hoi na mano a Aberahama i na mea i kakauia e Mose maluna o keia mauna, a me ka hoomana aua i ke Akua hookahi a oiaio wale no.

 

KELA A ME KEIA.

 

            Mai poina i ka Hale Kuai o L. B. Kerr.  He oia mau na mea emi a makamaka hou hoi o na mea kuai ma kona halekuai.

            Ua hiki mai o Kauka Kellog o ka Hoomana La Ehiku, ma elua mau kokua malama Hale Lapaau o na ma'i, me ka manao e kukulu i hale ma'i ma Hawaii nei.  Ua haalele aku oia i ka hana ma Battle Creek Sanitarium no ka hele mai ma Hawaii nei mamuli o ka manao kokua i ka poe i ma'i ia; a i wahi hoi e malama aku ai i na mai ma na Halema'i a lakou e ku nei ma America, ke ike ia he pono e hoololi i ke kulana o ka noho ana a me ke ano o ke ea a hanu ai.

            He umikumamakahi poe Pake i hopuia no ka noho hoopilimeaai a aea haukae. He haua kupono keia, aole nae, he pono e hoohana ia maluna o na Pake a hoopakele ia hoi na labui e ne.

            He 120,000 ka nui o na tini, e hana ia nei no ka Hui Hana Painaapala, (Hala Kahiki) o Ewa.  He mau hana liilii keia e ola ai na Hawaii ina he lahui keia e nee ana me ke au o ka holomua, aka, aole ma ka waha, o Hawali no ka oi, ma ka hana a me ke ola ana, o na kanaka o kahiki ke ikea nei i ka holomua.  Aloha no paha kakou.

            Ua hiki mai ma ke Coptic na moo wai, i kapaia he frog.  He moo ai keia i na makika a me na mea e ae o loko o ka wai.

            Mahaloia mai ka paani puhi ohe a ka bana o ke Kula Sana Lui, a me ka mea nana lakou i ao, ma ka lakou paani ana i ka Poaono i hala la 6 o Iune.

            Ua hui aku o Kuhina Cooper me na lala o ka Bana Aupuni a ua hooponopono aku oia i ka pilikia o na keiki no ka paani ana i ka la Kapule, ma ka hoolilo ana aku i ka la o ka Hepedoma i molia ia ai ka Haku, oia ko lakou @  Kapule.  O keia mau la hoomaha ua kohu no i na paahana a me na haku-- oia he la keia mau la hoomaha na ke kanaka.

            No ka poe pena a pia i ka helehelena e loaa no ka pia aala Roma ma kahi o Hobron ma.