Ka Oiaio, Volume I, Number 119, 15 June 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

BUKE 1.     HONOLULU, JUNE 15, 1896   HELU 119

 

OIAIO PUKA LA

HAAWINA HELUHELU BAIBALA.

NA HOONOHONOHOUHANE O KA WA KAHIKO

 

1         I ka wa i haalele ai ka Isaraela i ke Akua, a mohai aku la i na akua kii, heaha la ka lakou e hoomana io ana?  Kan. 32 : 17 (Nah. 25 : 1,2). Mohai aku la lakou na na daimonio, na mea akua: Na akua ike ole ia e lakou.”

2         I ko lakou mahai ana i ka lakou oe keiki i na akua kii, ia wai la la lakou i mohai io ai?  Hal.  106 : 37. (2 Nal. 16 : 3; Eze. 16 : 20.)

“Alaila, mohai aku la lakou i ka lakou poe keikikane, a me ka lakou poe kaikamahine no na daimonio.”

3         He ao mai no anei ke Kauoha Hou pela? 1 Kor 10 : 20 ( hapa mua)

“O na mea a na lahuikanaka e i kaumaha aku ai, ke kaumaha nei lakou na ka poe daimonia, ao le na ke Akua.  Aole o’u makemake e lilo oukou i poe lawe pu i ko na daimonio.”

4         Ai la ihea ke akua o ka poe hoonana kii? Hal. 106 : 28.

“Hoopili ae la lakou ia Baalapeora, a ai no hoi lakou i ka moimi o ka poe i make.”

Ua manaoia o na akua oia no na uhane o na kino i make o ko lakou poe kaulai i a me na’lii.  O keia ke kumu o ka olelo e i aua ua ai na Iudaio i ko lakou poe make ma na mohai.  Ma na aina pegana ke mau nei no na mohai i ka poe make.

5         Ua manaoia anei he launa mai ka uhane o ka poe make me ka poe ola?  1 Sam 28 : 7, hapa mua; (e helu i ka pauku 3, 6, 8, 11, 15).

“Alaila olelo aku la o Saulo i kona poe kauwu E imi oukou no’u i wahine ninau uhane, i hele aku ai au e ninau ia ia.  I mai la kana kauwa ia ia, Aia no ka wahine ninau i na uhane ma Enedora.

6         Ma ka inoa hea keia poe i kapaia ai, e launa ana me na daimonio, i kuhihewa o na uhane o ka poe make?

Haina -  Na kahuna anaana, kilo ao, nana moo, kilokilo, magoi, a hoolauna uhane inao.

7         Ia wai lakou i hele ai e loaa ka ike, wahi a ka baibala?  Isa 8 : 19.

“A olelo mai lakou ia oukou, e hele i ke poe ninau kupapau, a i ka poe kupua hoi, i ka poe muki, a me ka poe namu liilii;  aole anei e hele kanaka i ko lakou Akua?  E hele anei i ka poe make no ka poe e ola ana?”

O ke ano maoli ma keia, o hele i na daimonio i kiloiio mai ka lani mai, no ke kipi ana.

8         Ua papa mai anei ke Akua i kona poe kanaka aole e ninau i na wahine launa i na uhane ino?  Kan 18 : 10 11; (Kek 19:31; 20:6.)

“Aole e ikeia iwaena o oukou ka mea nana e kuu aku i kana keikikane a me kana kaikamahine paha o hele mawaena o ke ahi; aole he kahuna anaana, aole he mea nana i ke ao, aole hoi he mea hoowalewale i na nahesa, aole hoi he mea ninau i na uhane ino, aole hoi he kupua.  Aole he mea ninau i ka poe make.”

9         No keaha?  Kan 18:12

“No ka mea o ka poe a pau e han ana ia mea, ua haumia lakou inua o Iehova: no keia mau mea hoohaumia, na Iehova kou Akua e kipaku aku ana ia lakou mai kou alo aku. “

10     Pehea i hoopaiia ai ke kupua?  Puk 22:18.  (1 Sam 28 :3.)

“Mai hoola i ke kupua.”

11     Me ke aha i helu pu ia ai ka hana kupua?  Gal 5:20.

“ Ka hoomana kii, ka hoopiopio, ka inaina, ka hakaka ka ukiuki ka huhu, ka hoopaapaa, ka mokuahana, ka manao kue.”

 

                        HE PAPA MAOPOPO.

 

Ua hoike mai ka palapala hemolele me ka moakaka loa i ka haule ana o Satana a me ke kanaka i ka hewa.  Eze. 28:12, 19; Luk. 10:18 Ioane 8:44.  Ua hoike pu mai no hoi i ka haule ana o na anela he lehulehu o ka lani me ia.  “ No ka mea, ina aole i waiho mai ke Akua i na anela i hewa, aka kiola no ia lakou ilalo i ka po.”  2 Per. 2:4.  “ Kipakuia aku la ua deragona nui nei, oia hoi ka mookahiko i kapaia ke diabolo, a o Satana, nana no i hoowalewale mai ko ke ao nei a pau.  Kiola ia mai la ia i ka honua, a kiola pu ia mai la kona mau anela.”  Hoik.  12:9.

            Ua hoike mai hoi keia pauku i kahi o Satana a me kona mau anela i kiolaia ai.  I ka honua kahi i haule mai ai.  E hoike pu mai ana uo hoi i ke auo o kana hana mai ka manawa ona i kipakuia mai ai mai ka laui mai, e hoowalewale ana i ko ke ao: e hoowalewale ana i kanaka ma na hana hoopunipuni e puni ai, e like me ia ia Eva ai, e kue aku i ko ke Akua makemake, ka mea nona na kanawai a me ka hoomalu ana i kue ia e ia.

            Ua hoao mau mai ke Akua, ka mea i ike i kko Satana ano a me kaua mau hana, e hoomalamalama i ke kanaka i pakele ai oia mai na pahele a ka mea hoowalewale.  No ia mea i ao aku ai ke Akua i ka poe Iseraela, mamua o ko lakou komo ana iloko o ka aiua o Kanaana, ma keia mau olelo papa moakaka loa:

            “ A hiki aku oe ma ka aina a Iehova kou Akua i haawi mai ai ia oe, mai ao iho oe e hana e like me na mea haumia o ua mau lahuikanaka la.  Aole e ike ia iwaena o oukou ka mea nana e kuu aku i kana keikikane a i kana kaikamahine pahe e hele mawaena o ke ahi; aole hoi he kahuna anaana, aole hoi he kilo ao, aole hoi he mea nana moo, aole ka mea kilo. Aole hoi ka mea hoowalewale i ua nahesa, aole hoi he mea ninau i na uhane ino.  Aole hoi he kupua, aole he mea ninau i ka poe make; no ka mea, o ka poe a pau e hana ana ia mea, na haumia lakou imua o Iehoue: no keia mau mea hoohaumia na Iehova kou Akua e kipaku aku ana ia lakou mai kou alo aku.”  Kan. 8:9-12.

 

            He moakaka loa keia mau olelo, a ua like no hoi ke koikoi o kona ano kauolia a me koua papa i ka hana ana i keia mau mea i keia wa me ka wa i kaawi mua ia ai.  Aole he loli o ke Akkua.  O na wehewehe ano, na hana hoopiopio, a ui ana i na uhane ino, ua like no ko lakou haumia inua o ke Akua i keia la me ia i ka wa kalnko.  Ua like na ka nui o na hanmia mahope mai o keia mau mea i keia wa, a me ua hana hoowalewale e piliana me lakou, e like me ia i ka wa i “koi mai ai na kaikamahine (Moaba) i na kanaka (Iseraela) e hele akku i na ahaaina hoomaua a na Akua o lakou,.”  Nah. 25:1,2.  He umikumamalima haueri M. H. mahope mai na kakau o Paulo i na Korineto e i aku ana “O na mea a na lahuikauaka e i kaumaha aku ai, ke kaumaha aku nei  lakou na ka poe daimonio, aole na ke Akkua.  Aole o’u makemake e lilo oukou i poe lawe pu i ko na daimonia.”  1 Kor. 10:20.  A aole no hoi i loli ke ano o keia mau mea iloko o umikumamawalu haneri makahiki mahope mai o ka Paulo kakau ana.  Ke mau nei no ka hanmia o ia mau mea a mai ke Kumu ino mai no hoi.  O ka Satana mau mea hana hoowalewale no ia @ ke ao.