Ka Wai Ola - Office of Hawaiian Affairs, Volume 21, Number 1, 1 January 2004 — Hawaiian Essay Competition [ARTICLE+ILLUSTRATION]

Hawaiian Essay Competition

Malama Kekahi i Kekahi Na Kawena'ula Elkington Ke Kula Kaiapuni 'o Pū'ōhala Papa 6 Mokupuni 'o O'ahu Kūlana 'ekahi Mōhele: papa 6-8

'O ka mana'o nui o "Mālama kekahi i kekahi" 'o ia ho'i e mālama i ka 'āina, ke kaiaulu, a me kekahi i kekahi. Nui ka laulima ma nā pā'ina ho'oma'ema'e, e like me ka ho'oma'ema'e 'ana ma kahakai 'o Kahalu'u. Ma mua, ua loa'a ka 'ōpala he nui, nā ka'a kahiko, a me nā pahuhau kahiko loa. Ma hope o ka ho'oma'ema'e 'ana, ua ma'ema'e loa a nani pālena 'ole ka pāka 'o

Kahalu'u. Ua laulima ka po'e maika'i o O'ahu a ua mālama lākou i ka 'āina. Nui ka mālama 'ana ma nā haukapila a pau o Hawai'i. Mālama nā kauka i ka po'e 'eha a ma'i me ka maika 'i. ' A 'ole lākou hā 'awi pio ma ka haukapila i ka po'e 'eha a i 'ole ma'i. Nui ka lōkahi ma nā kime ho'oikaika kino. Inā 'a'ohe o lākou lōkahi, e lawe ana ho'okahi po'e wale nō i ke kinipōpō, a 'a'ole e lanakila ana kēlā kime. Akā, inā he lōkahi ko lākou ma nā kime, e kōkua ana nā keiki a pau kekahi i kekahi a e le'ale'a

ana ka pā'ani 'ana, a e lanakila ana ia kime i nā pā'ani a pau. Nui ka ho'omau 'ana i nā mele hula a me ke oli kahiko no ka mea pono kākou e ho'omana'o i nā mo'olelo o ko kākou mau kūpuna. E ho'omau kākou i ke a'o maika'i i nā mele, hula, a oli kahiko! Mana'o au pono nā alaka'i Hawai'i e ho'oma'ama'a i ke kōkua, ka laulima, a me ka lōkahi, no ka mea,

ma o kēia mau mea, hiki i nā alaka'i Hawai'i like 'ole ke hana pū i nā mea nui loa. Hiki i nā alaka'i Hawai'i ke kōkua e hana i kekahi pā'ina e kōkua aku ma kekahi hale no nā kūpuna. Hiki paha iā lākou ke kōkua e ho'oma'ema'e i nā paka a i 'ole kahakai o nā 'āina like 'ole ma Hawai'i. Hiki i nā alaka'i Hawai'i ke laulima me ka po'e aupuni o Hawai'i

e hana i kekahi mea nui, e like me kekahi ho'olaule'a a nā mea pā'ani me ka mea'ai Hawai'i, no laila hiki i nā keiki 'ē a'e ke a'o pehea e pā'ani ai i nā mea pā'ani le'ale'a o ka wā kahiko. Hiki i nā alaka'i Hawai'i ke kūkākūkā i ka po'e aupuni e pili ana i ke kūkulu 'ana i kekahi kula papa māla a'o a hiki i ka papa 12 no nā keiki e 'ōlelo Hawai'i wale nō, no laila hiki i nā keiki o ia kula ke ho'omau i ka 'ōlelo o nā 'āina Hawai'i. Hiki i nā kumu mai nā kula kaiapuni 'ē a'e ke a'o i nā kumu i makemake e a'o ma ia kula i ka 'ōlelo Hawai'i, 'o

ia paha hiki i nā kumu mai Pū'ōhala mai ke kōkua aku iā ha'i. No'ono'o au pono ke aupuni Hawai'i e hui pū e kōkua, lauli-

ma a e mālama kekahi i kekahi ma kahi noho like o ka po'e no ka mea hiki i ka po'e aupuni Hawai'i ke kōkua i ka po'e o Hawai'i e 'ohi i nā 'ōpala he nui ma ka 'āina Hawai'i. I nā manawa a pau 'ike au i ka 'ōpala ma nā alahele a pau o O'ahu. Hiki i ke aupuni ke kōkua e hana i kekahi lula no ka 'ōpala li'ili'i ma ka 'āina nei. Hiki i ke aupuni ke laulima me ka po'e o Hawai'i e hana i kekahi mau mea e kōkua me ka polopolema 0 nā lā'au moe a lā'au 'ino. Hiki iā lākou ke hana i kekahi papahana e kōkua aku i ka po'e i hana i ka lā'au moe. Ma kēlā papahana, hiki i kekahi mau kumu ke a'o i ka po'e ma ka lā'au moe, pehea i hana 'ino ai ka lā'au moe i ko lākou kino. I kekahi mau manawa, ho'omake ka po'e nona ka lā'au moe i ko lākou mau hoaaloha. E kōkua ana kekahi papahana 1 ka po'e like 'ole ma Hawai'i e mālama kekahi i kekahi. Hiki i ke aupuni o Hawai'i ke a'o i ka po'e o Hawai'i e mālama kekahi i kekahi. Mai 'aihue i nā kamali'i o Hawai'i. Mai hō'eha kekahi i kekahi, no ka mea hiki ke hana i nā mea nui me ka po'e o Hawai'i ke mālama kekahi i kekahi. ■

Elkington