Ka Wai Ola - Office of Hawaiian Affairs, Volume 37, Number 2, 1 February 2020 — Koho 'o OHA i ka Luna Ho'oponopono Ha'awina Kālā he $1.1 Miliona no ka Ha'awina Kālā Hele Kula (OHA Selects Grant Administrator for $1.1 Million in Scholarships) [ARTICLE]

Koho 'o OHA i ka Luna Ho'oponopono Ha'awina Kālā he $1.1 Miliona no ka Ha'awina Kālā Hele Kula (OHA Selects Grant Administrator for $1.1 Million in Scholarships)

Ua koho 'o OHA ia UH Manoa Native Hawaiian Science and

Engineering Mentorship Program e ho'oponopono i ka ha'awina kālā he $ 1 . 1 miliona i ha ' awina kālā hele kula nui no nā haumāna Hawai'i. 'O ke kumu o ia ha'awina kālā 'o ia no ka ho'onui 'ana i ka helu o nā haumāna Hawai'i e hemo kula ana mai nā kula nui, a 'i 'ole i loa'a akula ka palapala hō'oia 'oihana. He 'elua mau makakoho ko ka Mentorship Program: 1) e kāko'o i nā ha'awina kālā hele kula no nā kānaka Hawai'i e 'imi ana i ka palapala hō'oia 'oihana, nā palapala laeo'o a lae'ula; a 2) e kōkua i nā haumāna Hawai'i ma'amau 'ole i mea e kōkua ai iā lākou me ka ho'okō 'ana i nā koina no ke kekelē kula nui a i 'ole ka palapala hō'oia 'oihana. Ma o ia kūlana o ka luna ho'oponopono ha'awina kālā, e hā'awi ana ka Mentorship Program i nā Ha'awina Kālā Hele Kula Nui OHA i nā haumāna Hawai'i ma lalo o nā kula 'umi o Ke Kula Nui o Hawai'i. E kaulua ana kālā me kēia haumāna i loa'a ka ha'awina kālā hele kula me ke kāko'o kula a e komo ana ka haumana ma ka hālāwai ho'okama'āina ha'awina ma kāna kula nō. E mālama 'ia ana nāhālāwai ho'ona'auao 'ōleo a'o a a'oākumu, ka ho'omōhala 'oihana a alaka'ina, a me nā hālāwai ho'ona'auao mo'omeheu no nā haumāna i loa'a ka ha'awina kālā hele kula e ka Program. Ma waena o 2010 a me 2018, ua hā'awi aku 'o OHA i 2,000 a 'oi mau ha'awina kālā hele kula he $5.6 miliona a 'oi ka heluna. No ka 'ikepili hou a'e no kō OHA Ha'awina Kālā Hele Kula Nui, e leka uila i ka Mentorship Program ma ohastem@hawaii.edu. ■