Ka Wai Ola - Office of Hawaiian Affairs, Volume 37, Number 2, 1 February 2020 — Loa'a He 'Aelike e Kia i ka Ho'ohaumia Kahakai ma Kaua'i (Agreement Reached to Address Shoreline Contamination on Kaua'i) [ARTICLE]

Loa'a He 'Aelike e Kia i ka Ho'ohaumia Kahakai ma Kaua'i (Agreement Reached to Address Shoreline Contamination on Kaua'i)

Me ke kū 'elele 'ia e Earthjustice, 'aelike akula ke aukahi o nā hui kaiaulu 'o Nā Kia'i Kai, ka Surfrider Foundation, a me ka Pesticide Action Network me kō ka moku'āina o Hawai'i Agribusiness Development Corporation (ADC) i kēlā Kēkēmapa aku nei ma ka 'aha ho'okolokolo pekelala e kia ho'i ma luna o ko ka ADC 'a'e kānāwai i ke Clean Water Act pekelala ma Kaua'i Komohana. Ua ho'oholo ka 'aha ho'okolokolo ma Iulai i ka 'a'e kānāwai o ka ADC i ia Kānāwai ma ka ho'okahe 'ana i nā kālani wai he mau miliona i haumia i ka lā'au haipilikia, ka lepo, a me nā mekala

kaumaha mai ke kahua 'auwaha ma ke Kula 'o Mānā a i ka moana pilikahakai. He 'aelike ia no ka hana 'ana i polokalamu e hō'oia ana i ka ma'ema'e o ka wai, ka hō'ike 'ana i ia 'ikepili 'ano o ka wai ma kekahi kahua pūnaewele i noa i ka lehulehu, a e pono ana ka ADC e loa'a akula he palapala 'ae Nahonal Pollutant Discharge Elimination System (NPDES). Ho'oili 'ia ma o kanahā mile 'auwai ka wai haumia a me ka wai honua mai ka 'āina a ka ADC i ho'olimalima ai i nā pā'oihana mahi'ai nui a me nā 'o Polihale a me MacArthur. E kaupalena ana ka palapala 'ae NPDES i ka nui o ka ho'ohaumia 'ana i hiki iā ADC ke ho'okahe i ke kai i 'a'e kānāwai 'ole 'ia nā ana 'ano wai. "E noho ana kō mākou mau lālāma kahi o nā 'auwai a e lawai'a ana ma kahi o nā ho'i wai no kekahi mau hanauna," wahi a Bren Naka'ahiki, kekahi lālā no Nā Kia'i Kai. "He pono ko mākou 'ike 'ana i ka maika'i o ka wai i maha ho'i ka na'au i ka hō'oia mau 'ia o ka haumia e like me ka wikiwiki i hiki." "E hō'ike ana nō ko ka ADC ho'ohiki 'ana i ka hō'oia lā'au haipilikia i ke ki'i nui o ka holo kele wai haumia ma ka 'ao'ao komohana o Kaua'i," wahi a Dr. Carl Berg no ka Lālā Kaua'i o Surfrider. Ua ho'omaka 'o Surfrider i ke ana 'ana i ka lā'au haipilikia ma 2013, ka mea i ho'omaopopo ai i ke aupuni a me ka lehulehu i ka haumia o nā 'auwai a i mea a ka moku'āina a me nā hui pekelala e ana hou ai. ■