Ka Wai Ola - Office of Hawaiian Affairs, Volume 38, Number 4, 1 April 2021 — Mana i Mauli Ola [ARTICLE]

Mana i Mauli Ola

KĀ KE KE'ENA KULEANA HAWAI'I PALAPALA HIKIĀLOA 15-MAKAHIKI 2020-2035

Ke Ala Nu'ukia E ho'omalu i ko Hawai'i kānaka me ona mau waiwai honua a pau - a me ko ke Ke'ena Kuleana Hawai'i mau waiwai lewa me nā waiwai pa'a iho nō - e 5 aku ai ka nohona mo'omeheu, e '01 aku ai ka nohona kū i ka wā, a e malu iho ai ka nohona welo 'oilina ma ka mea e ho'olaupa'i mau a'e ai he lāhui lamalama i 'ike 'ia kona kanaka mai 'ō a 'ō a ka poepoe honua nei he kanaka ehuehu, he kanaka ho'ohuliāmahi, he kanaka Hawai'i.

Ka Nu'ukia Ho'oulu Lāhui Aloha Ho'ohui 'ia kā ke Ke'ena Kuleana Hawai'i 'ōlelo nu'ukia me ka mana'o a me ke alaka'ina o ka Mō'ī 'o Kalākaua lāua 'o kona kaikuahine, ka Mō'īWahine 'o Lili'uokalani. Ua 'a'a nō lāua 'elua i ke au pōpilikia e like me kā kākou hana i kēia wā. 'O "Ho'oulu Lāhui" ka mākia a ka Mō'ī'o Kalākaua. 'O ke aloha ka lawena kūlana hiehie a ka Mō'īWahine 'o Lili'uokalani.

Nā Kuleana A. A. A. A.

KE KĀULEO Ma ke 'ano he kauleo, 'ōlelo, kākau, a ho opai ke Ke'ena Kuleana Hawai'i i ka ho omohala 'ana i nā kulekele i kūle'a, e la'a me ka ho'ololi ana i nā kānāwai a me ka ho oikaika 'ana i ke kō 'ana o nā kulekele a me nā ka'ina hana e ālai nei i nā kahua a me nā makakoho i hāpai 'ia ma kā ke Ke'ena palapala hikiāloa. Nānā pono a ana pū nā kauleo i nā kulekele a ho'oulu mai i ke kāko'o o ka lehulehu ma o nā hana komo ma ke kaiāulu, ka hō'ike 'ana i nā kulekele a me nā kānāwai ho'opōpilikia a i 'ole holo le'a 'ole, a me ke kāko'o 'ana i nā pahuhopu e 'ae ana i nā kaiāulu e ho'opai a'e i ke kūlana o nā Kānaka Maoli. MEA PAIPĀI KAIĀULU Ma ke 'ano he mea paipai kaiāulu, hana pū ke Ke'ena Kuleana Hawai'i me nā kaiāulu Kānaka Maoli a me ka lehulehu ma o ka ho'olaha 'ana i nā 'ikepili ma nā ala holo like 'ole e ho'opili ana i ke Ke'ena i nā mea ho'okahu 'ia, nā kaiāulu a me nā pilina kānaka.

MEA 'IMI NOI'I Ma ke 'ano he mea 'imi noi'i, hō'ili'ili, hō'ulu'ulu, a kālailai ke Ke'ena Kuleana Hawai'i i nā 'ikepili i pili i nā nīnūnē ko'iko'i o ke kaiāulu Kānaka Maoli e la'a me nā kulekele a me nā ka'ina hana, ka nānā pono a me ke kāko'o 'ana, ke alaka'i 'ana i nā hana kauleo a ke Ke'ena a me nā kaiāulu, ke ana 'ana i nā kulekele, nā polokalamu a me nā ka'ina hana, ka ho'olako a me ka hō'oia 'ana i ke kūpono o nā hana e ho'oholo 'ia nei e ke Ke'ena, nā mea ho'okahu 'ia, a me nā kaiāulu. KAHU WAIWAI Ma ke 'ano he kahu waiwai, ho'oholo pono ke Ke'ena Kuleana Hawai'i i nā waiwai kū'ai nui e kōkua i ka ho'onui 'ana i ka waiwai a ke Ke'ena. 'O kēia mau kuleana mālama waiwai, 'o ia nō ka ho'okele 'ana i ke kālā, ka 'āina, a me nā waiwai kaiāulu me ke akahele, a me ka mālama a ho'omau 'ana i ka ho'oilina o nā 'āina waiwai ho'oilina.