Ka Wai Ola - Office of Hawaiian Affairs, Volume 39, Number 2, 1 February 2022 — Aloha mai kākou, [ARTICLE+ILLUSTRATION]

Aloha mai kākou,

_V 'OLELO A KA POUHANA ^ MESSAGE FROM THE CEO '

I MA'AMAU KA 'ŌLELO HAWAI'I | HEAHINŪ HAWAIIAN SP 0 KEN SH0ULD BE A REGULAR THING Ma'amau (vs. Usual, customary, regular, habitual, ordinary, eommon.)

Kau nā hali'a aloha i ko mākou hale ma Kohala i ko'u wā kamali'i, 'o ke kolekole a 'aka'aka 'ana o ko'u makuahine me ko'u mau kūpuna ma ka olelo Hawai'i (he mau mānaleo lākou) - he mea ma'a mau nō ia. . Hoka, 'a'ole au i a'o i ka olelo maiā lākou mai, akā na'e, i ka wā i hānau 'ia ai au, ua pāpā 'ia ka olelo Hawai'i 'ana ma nā kula no 70 makahiki. No laila ho'i, i ko'u wā kamali'i, 'a'ole i ho'okumu 'ia nā papahana, nā polokalamu, a i 'ole nā 'ōnaehana e kāko'o ai ke a'o olelo Hawai'i 'ana. No ke komo 'ana i ka papa 'ehiku, 'elua wale nō a'u koho: 'o ka ho'omau 'ana ma ke kula aupuni, a i 'ole, 'o ka noho 'ana ma ka hale noho haumāna ma ke kula 'o Kamehameha. Nanalu pinepine au, inā ua hiki i ko'u makuahine ke ho'ouna ia'u i ke kula 'ōlelo Hawai'i e like me nā mākua o kēia hanauna nei, pehea i 'oko'a ai ke a'o 'ana? Mai ka Pūnana Leo a me nā Kula Kaiāpuni a nā Kula Ho'āmana e kālele ana i ka 'ike Hawai'i a me ke Kulanui o Hawai'i, ua ulu a mohala mai ke a'o 'ōlelo Hawai'i i loko o nā makahiki he 40 i hala akula. Hau'oli'oli nō au i ka lohe 'ana i ka olelo Hawai'i ma nā waho o nā pō'ai 'ōlelo Hawai'i e like me ka hale kuai, a i'ole ka panakō. 'o ko'u 'i'ini e ki'ei aku e 'ike i ka mea e olelo Hawai'i ana, 'o ia ka mea e ho'omana'o mai ia'u, 'a'ole laha ka olelo Hawai'i, no laila, 'a'ole ia he mea ma'amau. 'O ka olelo Hawai'i ka mole o ka pono o ko kākou 'ohana, mo'omeheu, a me ko kākou 'āina. Iā kākou e mahalo ana i ka mea loa'a i kēia mau lā, maopopo nō iā kākou, he mau hana i koe. E ola mau ka olelo Hawai'i! ■

Sylvia M. Hussey, Ed.D. Ka Pouhana