Ka Loea Kalaiaina, Volume III, Number 51, 6 January 1900 — E nana iho [ARTICLE]

E nana iho

NO R.W. WILIKOKI Na olelo ao i na Elele Hawaii ma Washington D.O. Amerika Huipuia. O makou o na lala o ka Aha Hooko a me na Peresidena na lala na Elele o ka Ahahui Kalaiaina i akoakoa ma ke Kulanakauhale o Honolulu. Oahu. Ko Hawaii Pae Aina. A i aponoia e ka Peresidena oia Ahahui ma ka la 30. o Nov 1890 I na Elele R.W. Wilikoki Esq, Edget Caupeless Esp, a me Joseph Heleluhe Esq. 1 E hoike hou aku oukou i ka Peresidena na ka Ahaolelo o Amerika Huipuia a me ka Lahui kanaka, i na Memoliala na Palapala Hoopii, A me ka manao paa o na kanaka maoli o ke aupuni kupono wale no no Ko Hawaii Pae Aina o ke Aupuni Moi. 2 E hoonohoia no Liliuokalani oia no ka Moi o Ko Hawaii Pae Aina, e like meia mamua aku o ka 17 o Januari 1893. 3 He kue mau ka hapanui o keia Lahui Hawaii ponoi i ka Olelo hooholo a Newland i hooholoia ma ka la 7 o July, 1898 a i kukalaia ma Ko Hawaii Pae Aina ma ka la 12 o Aug. 1898 e hoohui ana i keia Pae Aina me amerika huipuia. 4 E hoihoi mai o Amerika Huipuia i ke Kuokoa o Ko Hawaii Pae Aina e like me ia i ikeia mai ai ma ka M.H. 1843 a e noho hoomalu mai na Aupuni o Amerika a me Beretania a me ke Aupuni o na Farani, a mau Aupuni e ae i ae ia mana kuikahi, a e

ae ia aku ana paha ma keia hope aku. 5 Ina ae ole o Amerika Huipuia i keia mau koi a ka Lahui Hawaii ponoi, alaila, e hana aku na Elele i ka mea e pono ai keia Lahui kanaka ma na kanawai e kau ia ana e ka Ahaolelo e noho ana ma ke kau o Dec a mahope, a me ke ano o ke Aupuni e manao ia ana e kukuluia ma Ko Hawaii Pae Aina. 6 Ina hana a hooko ole na Elele i keia mau olelo ao. Alaila, e kukala kokeia ma na Nupepa o Ko Hawaii Pae Aina me na Nupepe o ko na Aina E. A e hoike pu ia aku ia lakou. Ua hoopau loa ia ka mana o ko lakou mau Komisina Elele i aponoia ma ke kakau inoa ana a ka Peresidena o ka Ahahui Kalaiaina. Presidena D. Kalauokalani Honolulu. Nov 30. 1899.