Ka Puuhonua, Volume III, Number 14, 21 April 1916 — E Poniia Ana i Kahunapule. [ARTICLE]

E Poniia Ana i Kahunapule.

Mamuli o na lono i loaa mai, ma keia Sabati iho, la 23, o keia mahina, (apopo), ma ka Luakini o ka Hoomana Naauao

e ku nei ma Kalihi-kai, Honolulu, e poniia ana ko makou hoa'loha, a o kekahi Kahu Waiwai hoi o "Ka Puuhonua," ma ka Oihana Laa a ke Akua Kiekie Loa, ma kona lawe ana ae a hoolaa iaia iho ma keia Oihana Kiekie ka Hai Euanelio, ft a e komo pu ana me ka pilikia iloko o koaa poe kanaka," A mahope iho o kona hoolaaia ana, e kau iho ana ka papale hou maluna iho ona, a e ike ia oia ka Rev. John H. Wise.

Ke hauoli nui nei makou i ka hoea ana mai o ka wa kupbno no ko makou hoa'loha ma ka lawe ana ae i keia kulana kiekie iloko o ko ke kanaka 'ola ana, a makou e manaoio nei, e lilo ka hana i kau iho maluna ou i mea e hoopomaikaī nui ia ai keia lahuikanaka, ma. ka noho'na kino, aoi loa aku hoi i ko ka Uhane noho'na.