Nupepa Puka La Kuokoa, Volume I, Number 7, 1 February 1893 — I KA LAHUI HAWAII. [ARTICLE]

I KA LAHUI HAWAII.

No ke ake nui oke aupuni kuikawa e malama laahiaia na ola o na lahui lehulehu e hoo- ' punana nei maluna o Hawaii a i palekana ai hoi na waiwai o na mea a pau, nolaila, ua noi aku naaha hooko amekuka o ke aupuni kuikawa o ko Hawaii Pae Aina ia Ka Mea Mahaloia J. L. Stevēns, ko Amerika Huipuia Elele Kuhinaa me Kuhina Noho ma Hawaii nei, e hoomalu mai no ka manawa i ka aina a hiki i ka wa e hoomaopopo ia ai ka hopena 0 na hana a na Komisina i hele aku nei i Amerika Huipuia. " Mamuli o ko ke Kuhina Amerika noonoo a ae ana mai 1 keia noi, a e lawe i na koikoi 0 keia hana makamaka, ua huM ia ma ka pahu hae aupuni o Aliiolani Hale, ka hae Amerika i ka la 1 o Feberuari nei, a ua kaa i na koa Ameiika ka hoomalu ana o na Hale Aupuni e like me Aliiolani Hale, Hale Alii, Hale Dute, Hale Hoopaa Lawehala a me ka Halekoa, aka nae, o kalawelawe ana o na hana mau.aia no i ke aupuni kuikawa. Aole kakou i lilo ia Amenka 1 keia wa, aka, he hoomalu kau lei wale iho no. Nolaila makou eao aku nei i ka lahui Hawaii, aole e ulupuni i ka huhu, aka e malama i ka maluhia ame ke kanawai a hiki i ka wa e loaa ai he aupuhi maikai no kakou. < —