Nupepa Puka La Kuokoa, Volume I, Number 99, 17 July 1893 — HE MAU MOOLELO NO KE AU O KO KA REV. KEONI G. PATON [ARTICLE]

HE MAU MOOLELO NO KE AU O KO KA REV. KEONI G. PATON

Nqjio ana iwaena o ka Lahoi Aikanaka 3 _KTīz. IS£e's302r“ecā.īsa.. Ma kekaM aliiaM, ua paue aku la au i ke alii aoo, “Ke manao uei au ma ka la apopo e haawi mal ana o Iehova i wai no makou ma kela lua. ; ' Pane mai la ua alii la, “Aole e Misa, —Aole loa oe e ike iki aua i ka pii ae o ka ua mai lalo ae o ka lepo o keia mokupuui. Ke haohao nui loa nei makou heaha aku ana la ka hopena o keia hana hehena au. He manaolana loa makou i ka wa e loaa ai ia oe ka wai, e ike aua oe ua puka oe malalo o ka mokupnui,, a e poholo ana oe iloko o ke tai, a pau hoi i ka ai ia e ka mano! Oia iho la ka hopena o ia hana au, he make nou, a he poino nui hoi maluna o makou a pau.” Ua pane aku la no nae au, “E hele mai oe i ka la apopo. Ee manaolana nei au, a ke paulele io nei no e hoouna mai ana o Tehova ke Akua i wai ua mai lalo ae o ka honua.” Ua ike no nae au he mau olelo hooia wale no keia me ke kahua ole, a malia paha he hopena kaumaha ina e nele ana ka wai; aka, ua paulele loa no nae au e haawi mai ana no ke akua i ka wai a nana no e alakai nei ia’u. Ma kekahi kakahiaka ae i ka wa akahi no a wehe mai ke alaula, ua iho aku la au no ka lua, a eli iho la au he wahi lua oololi no elua kapuai ilalo oka lua. I kela wa, ua hiolo makawalu iho la ka hou mai ko’u lae iho a me 'ko’u kino holookoa a ua haalulu ko’u kiuo a puni, oiai i kela v. T a, ua puapuai ae la ka wai mai lalo ae, a oiai e lepo ana no ka wai, ua hoao ae la au, a ike iho la he wai mananalo huihui, a no ka nui launa ole mai 0 ko’u pihoihoi, ua haule iho ia kahi kiaha piula mai ko’u lima iho. Ua aueaue au e haule iho no i kela wa ma ko’u mau kuli iloko o kela lepo uo ka hoonaui ana aku i ke Akua. ! 1

Aia ka wai! He wai huihui! He wai mapuna maikai mai ka mapuna ae a Iehova! He mea oiaio, he ano hukakai iki no, aka aole no nae e hiki ke hoomaopopo lea ia, aole paha he luawai ma kekahi waoakua nana e hooma-u i ka puu maloo o ka malihini i oi aku ka waiwai e kapa ia he luawai na ke Akua elike la me keia wahi luawai i ko u manao. Ua hoakoakoa ae na alii ma kahi kokoke i ko’u wahi e hana ana. E kakali ana me na manao kau'nui. Ua like hoi me ka puuluulu o ka poe Iseraela a puni o Mose i kona wa i hahau aku ai i kona kookoo i ka pohaku no ke kahe ana mai o ka wai. Mahope iki mai, mahope hoi o ko’u hoomaikai ana aku i ka Haku, a ano akakuu mai hoi ko’u pihoihoi, ua hoopiha iho la au i kekahi ipu wai a’u no i lawe pu aku ai, a piha me ka wai o ua luawai mapuna la. Ua pii aku la au iluna, a kahea aku la au ia lakou e hele mai e ikeku maka i ka ua a Iehova i hoouna mai ai e pii ae mai lalo o ka honua. Ua holo koke mai la lakou a pau, me ke ku nana nui ana me ke ano weliweli. Ku malie iho la ke alii aoo, a mahope hoopa iho la i ka wai me kona lima, a hoopa ae la i kona mau lehelehe. la wa, ua omo aku la oia i ka wai a piha kona waha, a mahope o ka mumu ana, ua moni aku la oia, a me ka leo nui, ua hooho ae la oia: “He ua! He ua! Ae, he oiaio he ua io no keia! Aka, eia ka mea kupaianaha, pehea la i loaa ai ia oe? ” Pane aku la au, t; Ha Iehova kuu Akua no i haawi mai mai loko ae o koaa honua me ka ae mai no ka makou pule a me ka makou hooikaika ana.” Oiai he mama loa na kanaka o keia wahi i ka pii iluna o na kumulaau nioniolo loa, a ua hiki hoi ke pii me he popoki la, a i ole, me he keko la, ua hiki ole i kekahi o lakou ke aa mai e hele mai a kiei iho ilalo raa ka waha o kela lua wai. Ua lilo keia i mea kupaianaha loa, aka, ua ae no nae lakou e ku lalani me ka paa ana o na lima o kekahi me kahi, a o ka mea kokoke i ke kae o ka lua oia ke kiei aku i lalo o ka lua, a pela hoi e hoololiloliaia hiki i ka ike like ana o lakou a pau i ka “Ua a Iehova” ilalo o ka opu o ka honua. j Aole i pau. I