Nupepa Puka La Kuokoa, Volume I, Number 99, 17 July 1893 — He Koa Maoli ka Pualikoa Aupuni. [ARTICLE]

He Koa Maoli ka Pualikoa Aupuni.

Ua hele imua na koa ma Kalalau, me ka wiwo ole ma na hana i kauohaia, aole i hoole, aole hoi i emi hope. Malaila, ua maopopo lea he koa maoli ke auo o lakou, he poe makau ole ika make. Ua olelo o Lutanela Kim, ikawa i ninau ia aku ai owai ka poe ae e hele i kekahi hana e pomo ai paha ke ola, ua pau lakou i ka makemake, a pela mau no. He nui ko laknu luhi ame ka inea i kela mau la ma Kalalau aohe nae he ohumu, aohe manaka. He mea keia e koo nui ai i ka manaolana o ka poe a pau i makemake ike Aupuni Kuikawa. He mea hoi e pau ai na olelo hoowahawaha aka poe anee alii e mea ana, he poe kuewa wale ua koa, aole hiki ke kaua. Ua hoike lea mai lakou i ko lakou ano kanaka makua ma Kalalau. Ua hele imua no ka make ika hana. Ekolu no mea i make me ka wiwo ole, a ua hoolewa ia ko lakou mau kino kupapau me ka hanohano i ka la Sabati nei.