The Liberal, Volume I, Number 42, 4 February 1893 — KA BANAKO HALE LETA. [ARTICLE]

KA BANAKO HALE LETA.

Ma ka hoolaha ma ke kauoha a ke Kuhina Waiwai ma ka nupepa o keia la e ike ae ai ko makou poe heluhelu i ka hoike a ka Luna Leta Nui e pili ana i ka Banako Hoahu o ka Hale Leta. Ua makemake ke Kuhina i ka mea dala iloko o ka Hale Leta e hoolilo aku i ua mau dala 'ia ma ke ano bona Aupuni i ka poe e makemake aua pela. Oiai, o ka Bona Aupuni he pii ae na pa-keneta ukupanee, a ina e hui io aku ana o Hawaii nei he mahele no Amerika Huipuia, alaila, ma kahi o ka eono pa-keneta ua hiki ke loaa ka umikumamalima pa-keneta maluna o paa ana he bona Hawaii. A ina aole pela, ua puka no he mau keneta helu maluna o ke dala. Nolaila, ua hamama ke alanui imi dala no ka poe he dala ka lakou ma ka Hale Leta. Eawiwi oi hamama ka puka. He lua mine hou keia no ka lehulehu i hoahu ma ka Hale Leta i na wahi loaa uuku.