Ke Aloha Aina, Volume I, Number 1, 25 May 1895 — Auhea ke Dala o ka Opinma? [ARTICLE]

Auhea ke Dala o ka Opiuma?

Ke hoomanao ae nei makou mamua aku nei, ua hoike ae na nupepa haole, ua hoouna ia he heluna nui loa o na opiuma i loaa i ke aupuni i Vanekouwa paha, i hea la; a ua oleloia ae, he nui ke dala e loaa mai ana no ua opiuma la, aia paha ma kahi o ke $50,000, a oi aku. O ka makou e ninau nei, pehea ua opiuma la, ua lilo anei i ke kuai ia? A ehia ka nui o na dala i loaa mai? Aole o makou ike iki maloko o ka hoike a ke Kuhina Waiwai no na dala loaa mai no ia opiuma. Ina e loaa mai ia mau puu dala, alaila, ua hiki no ke hookaa ia ka $10,000 o Lehua a me ka $10,000 o ke koena aie lilo kaua, a koe iho he $30,000 i ka waihona no na lilo puali koa.