Ke Aloha Aina, Volume I, Number 2, 1 June 1895 — Page 3 Advertisements Column 1 [ADVERTISEMENT]

Elia Kaululaau. KAUKA HANA NIHO. Ke hoike hou aku nei au imua o koʻu hoa makaainana a puni ko kakou nei Paeaina, eia no au ke hoomau nei ma kaʻu oihana hana niho, ma koʻu Keena ma ke kihi o alanui Moi me Betela, ma ke a!anui Moi ka puka e komo mai ai. Ke kono aku nei au i ka poe a pau i loaa ko lakou mau niho i ka eha, a naʻu no e hoopau aku i na haawina ehaeha iloko o ka manawa pokole loa, me kaʻu mau laau i kaulana iwaena o ka poe a pau hele i mai ioʻu nei. He wai auau noʻu ka huki ana i ka niho, a iloko o ka imo ana a ka maka me ka palenehe launa ole ua hemo ia niho eha, a ua hiki hoi ke hoopiha i na niho me ke Gula, Kala a Iwi paha, me na uku haa a oi loa aku o ka maikai o ka hana ia ana me ka maiau nui. E kipa mai e oʻu mau makamaka, a e loaa no au ma koʻu keena hana, me ka makaukau mau e haawi aku i na ao ana i ka mea kupono e hana ai i ko oukou mau niho, me ka auhau ole aku ia oukou no ia ao ana. Elia Kaululaau, Kauka Hana Niho Keena Hana, kihi o Alanui Moi me Betela. my29-6ms. HOOLAHA KUAI AINA. Ua makaukau ka mea nona ka inoa malalo iho nei e kuai aku he 9 mau apana aina kupono no ka Pa hale, ma kela wahi kokoke makai o Kaluaopalena, ma Kalihi, mahope iho o ka luakini e pili la me ko Kamepela wahi. O ke ano o na pa, he 85 kapuai pili ma ke alanui, a he 131 kapuai ka hohonu aku iloko. E ikeia no ke kii o na aina ma koʻu keena Loio ma ke kihi o na alanui Moi me Betela. J. L. KAULUKOU. my22—3ms.